DÍLI----Traballador iha Timor Leste preokupa ho saláriu ne'ebé governu fó tanba la sufsienta ba nesesidade familia nian. Tuit Traballador restorante iha otél timor Amancio da Costa hatete, iha Timor Leste kampaña na’in sira ladun tau intrese ba trabaillador sira nia saláriu ne’ebe mak simu, ba Maluk traballadór doméstika sira, husu ba parte relevante bele tau atensaun ba traballador sira nebe mak ema selu la tuir estandar governu nian tuir lei ne’ebe mak iha.
“Hanesan trabaillador Timoroan rekomenda ba governu atu hadia saláriu minimu ne’ebe oras ne’e daudaun hanesan traballador domestika hodi bele fo apoiu ba sira nia nesesidade. Ami husu ba governu sevisu hamutuk ho sefope no Konfederesaun Sindikatu Timor Leste (KSTL) atu nune’e bele hadia saláriu minimu ne’ebe traballador domestika sevisu iha uma laran nian,” Dehan Traballador restorante otél Timor Amancio da costa ba jornalista iha Largo Lecedere, Segunda (01/05).
Nia hatutan, Traballador iha mundu tomak rekoñese iha loron 1 Fulan Maiu sai hanesan loron mundial ba traballador ohin governu Timor leste mos rekoñese ida ne'e hanesan SEFOPE halo eventu ida ne'e hanesan tinan ida nia laran atu kompleta no halibur hamutuk ho traballador lubuk ida iha fatin ida nee.
Nia salienta, Ohin hanesan loron inportante ba traballador sira atu festeza sira nia sentimentu kona-ba traballador nian no senti kontente tanba governu rekoñese ne'ebe liu husi SEFOPE, nune’e orgullu bo'ot ba prezidente ne’ebe mak marka prezensa iha fatin ida ne'e.
“Iha ami nia kompañia Dilimart sempre hasoru problema kona-ba saláriu, maibé sira sempre solusiona ba malu ho diak, no sira mós selu staff sira tuir regulamentu né'ebe regula ona iha lei trabalhadores nian no mezmu hasoru kona-ba problema saláriu, maibé sempre solusiona ba malu ho di’ak, ” Katak nia.
Iha sorin seluk traballador Dilimart Agnes Conglie Ximenes reafirma, Loron mundial traballador ne'e parte governu prepara di'ak tebes, tanba loron mundial traballador ne'e dezde tempu ukun a'an mai to'o agora. “Tanba ne'e ohin loron governu konvida ami Nia kompañia hodi mai selebra hamutuk loron mundial ne'e no iha parte seluk mós ami bele hato'o hanoin né'ebe konstrutivu bele kompleta malu. Ho loron ida ohin Mak sai Hanesan loron mundial ba traballador Timor oan tomak, tanba ami husi kompañia Dilimart iha staff nain 6 né'ebe ohin loron tuir aktividade ne'e.
Iha kompañia Dilimart sei hili staff né'ebe kualidade no kuantidade nune’e kompañia sei fo sertifikadu ba Sira. Aleinde ne'e mos traballador sira husu ba parte governu tenke tau importansia mós ba loron mundial ne'e atu nune'e bele sente ou apresia ba loron mundial ne'e no bainhira atu selebra karik tenke konvida kompañia hotu-hotu labele konvida kompañia ida ka rua deit maibe tenke konvida hotu atu nune'e traballador sira bele sente hotu loron mundial ne'e. (BT)
