DÍLI----Forum Juventude Difiseinsia Munisipiu Ermera (FJDME), husu Governu bele tau netik Orsamentu ruma ba prioridade aktividade ema ho defisiensia nian tanba durante tinan hirak liuba ema ho defisiensia mobiliza malu halo aktividade kona ba produsaun.

Tuir Porta-voz FJDME, Marcos De Jesus Martins, Informa, Hanesan Ema ho Defisiensia husu Governu no Parlamentu Nasional hala’o diskusaun ba Orsamentu Gerald do Estadu (OGE) tinan 2022 atu oinsa bele mos tau konsiderasaun ba ema ho defisiensia ninia aktividade tanba durante ema ho defisiensia mobilize malu iha area izoladu kria aktividade kona ba produsaun.

“Durante ne’e ami Defisinsia sira mos iha aktividade kona ba produsaun, mobiliza malu ho difisiensia sira ne’ebe iha area izoladu oinsa atu kria aktividade ba sira tanba ne’e maka ami husu governo relassiona ho orsamentu 2022, Goveru mós bele tau prioridade ba ema ho difisiensia sira tanba dala barak hare ema ho difisiensia ne’e labele halo buat ida maibe hanesan ema ho defisiensia fiar katak la presiza hare ami-nia kondisaun fisiku, maibe ami iha hanoin atu kria aktividade ba ami-nia aan,” Porta-voz FJDME Marcos De Jesus Martins ba jornalista sira iha Sede HASATIL, Farol, Dili, Kinta (25/11)

Nia hatutan, Ami ema ho defisiensia husu ba estadu oinsa maka bele tau atensaun ba ema ho difisiensia ne’ebe durante iha aktividade area izoladu, tanba ne’e husi Grupo Juventude Difiseinsia Munisipiu Ermera, husu ba ita nia nai ulun sira, liliu iha diskusaun Orsamnetu Jerál Estadu (OJE) 2022 nian, bele mos tau atensaun ba ema ho difisiensia sira nia aktividade.

Iha sorin seluk, Koordenador Hasatil, Jil Boavida, Hatutan, Orsamentu Jerál Estado (OJE) bele aloka ba Ministeiru Agrikultura bele boot no bele kiik, maibe durante HASATIL hare katak orsamentu ne’ebe mak governu preve ne’e laos atu ba kuda osan maibe ba hakoi osan.

“HASATIL hare katak orsamentu ne’e fahe ba rua, laos atu ba kuda osan maibe ba hakoi osan tanba orsamentu ne’ebe mak governu preve ne’e ba funsiona makina estadu nian deit signifika, orsamentu ne’e laos ba kuda para atu moris, maibe atu hakoi, hakoi signifika katak la moris maibe oinsa para osan ne’e bele kuda tenke ba organiza grupu sira halo komplementu ba grupo sira atu nune’e bele halo produsaun ne’ebe maka diak ho kualidade, maibe ita dehan katak halo iragasaun diak tia ona hein deit 10% atu uza ona, maibe ne’e konsidera sei hakoi hela, kuda ne’e bainhira sira prepara fini, ne’ebe loos, ho area ka klima ne’ebe maka munisipio ida-idak iha,” Haktuir Koordenador Hasatil, Jil Boavida.

NIa dehan, HASATIL hakarak fini ne’ebe maka diak, lalika hare ba (hare’e) deit, maibe fini rai maran sira ne’e maka ho kondisiaun ne’ebe diak hodi halo prudusaun hodi hasae ekonomia tos nain sira, se bainhira ekonomia tos nain sira fraku, sei fo mos inpaktu ba ekonomia nasaun nian.

Nia Afirma, Organizasaun difisiensia iha munisipiu hotu, depende ba ninia aktividade, maibe dala barak maka hanesan, deposito kreditu sira atu halo negosio nomos hanesan sira suru tais, suku, kuda hanesan agro no produsaun. (BT)