DÍLI----Ministriu Obras Publiku (MOP) Salvador Soares dos Reis Pires, Hatete, Ohin MOP ho Kámara Komersiu no Industria Timor-Leste (CCI-TL, Sigla portugues) Asina akordu ida ne’e ba area Konstrusaun Sivil no Obras Publiku husi lei dekretu 17/2021 iha loron 22 Setembru halo primeira apelasaun ba dekretu lei 27/2010 22 Dezembru atu halo inskirsaun no mós Empreza sira atu informa Governu di’ak liu ba kapasidade finanseira Jestaun, Ekipamentus Rekursu Umanu husi Setor Privadu sira.

“Ohin ita asina akordu ida ne’e ba area Konstrusaun Sivil no Obras Publiku husi lei dekretu 17/2021 22 setembru ne’ebé halo primeira apelasaun ba dekretu 27/2010 22 dezembru atu halo inskrisaun nomós ba ita-nia empreza sira atu informa Governu di’ak liu tan kona ba kapasidade Finanseira, Jestaun, kapasidade Ekipamentus Rekursu Umanu husi Setor Privadu sira,” Hateten Ministru Obras Publikas (MOP), Salvador Soares Dos Reis Pires ba jornalista sira iha salaun Hotel Timor Dili, Tersa (23/11).

Nia hatutan, Agora akordu ne’e tama ho Kámara Komersiu Industria Timor-Leste, tanba sira mak hanesan Uma mahon ba Setor Privadu hotu iha Timor-Leste, tan sira hamutuk ho Governu mak identifika sira nia Membru Emprezarial sira hodi bele halo inskrisaun ida ne’e.

Alende dekretu lei ne’e mais importante liu ne’ebé signifikativu mak hasai tiha artigu ida 7 iha dekretu lei primeiru ne’ebé halo lim itasaun iha Setor Privadu bele konkore de’it $7.5 millaun, iha ne’ebá limitasaun ne’e ita hasai tiha, entaun ba oin sira bele konkore liu ida ne’e.

“Klaru reforma lei sira seluk tenki halo husi parte sira seluk hanesan jestaun finanseira, aprovizionamentu ne’ebé parte MOP nian halo hela parte edukasia ministriu finansas no mós ha’u enkoraja prezidenti CCI-TL ho sira nia ekipa tomak atu halo proximasaun ho ministeriu relevantes sira seluk,” Dehan nia.

Nia dehan, Governu hotu-hotu nia vizaun hakarak lori dezenvolvimentu ho realiza dezenvolvimentu ne’e la’os parte governu mesak de’it maibe tenki iha parseiru ne’ebé di’ak liu mak ho setór privadu sira mak sai hanesan ezekutador husi planu dezenvolvimentu ne’ebé governu halo.

“Ita-nia birokrasia ita-nia Negosiu Ambiente ladi’ak bu’at sira ne’e hotu, ne’e sei la ajuda tulun ita-nia Setor Privadu sira atu dezenvolve, entaun ohin ne’e faz parte husi reforma ida ne’ebé ita presija halo ne’ebé hasai tiha limitasaun uluk ita tau hela ba ita nia setor privadu sira atu loke dalan hodi partisipa liu efitivamente ativu liu tan iha prosesu Dezenvolvimentu Nasionál,” Salienta nia.

Iha sorin seluk, Prezidenti Kámara Kómersiu Industria Timor-Leste (CCI-TL sigla portages) Oscar Lima, Hatutan, Eventu ne’e importante tebes, tanba Governu Timor-Leste Fo Fiar Deposita ona konfiansa ba Setor Privadu Nasionál kaer projetu sira ne’ebé mak bo’ot liu $1 millaun dolar no prakualifikasaun atu bele konbtrola ida ne’e ba ita importante tebes.

“Eventu ne’e importante tebes, tanba Governu Timor-Leste fo fiar deposita ona nia konfiansa ba Setor Privadu nasionál atu kaer projetu sira ne’ebé mak bo’ot liu $1 millaun dolar no prakualifikasaun atu bele konbtrola ida ne’e ba ita importante tebes tanba setor privaduhakarak hatete de’it dekretu lei ne’ebé mak mosu mai atu halakon tiha fali dekretu lei ida 27/2010 ne’e depois revolga tiha ona ba ita nia dekretu lei foun, kuandu revulga tiha ona hanesan ne’e bu’at hotu ba ita di’ak ona,” Haktuir Prezidenti CCI-TL Oscar Lima.

Nia salienta, Uluk ne’e limitasoens ne’ebé real tebes katak, timoro’an labele kaer projetu liu 1 millaun, agora la iha ona timoro’an bele projetu to’o ne’ebé de’it kuandu nia iha kapasidade, maibé tenki ba tuir prakualifikasaun atu hetan nia kna’ar no direitu, prakualifikasaun ne’e tenki atu hatudu katak nia iha kapasidade A bo’ot liu, B1 tuir, B2 tuir fila fali depois mak C.

“Emprezariu Nasional sira ne’ebé la iha kapasidade Finanseiru, tekniku no la iha osan, entaun nia sei hela lai C, depois mak sae ba B1, B2, ida ne’e mak ha’u hakarak agradese ba Governu Timor-Leste prinsipalmente PM no nia Ministru sira halo ona konsellu Ministru no deside ona halo dekretu lei foun ida ne’e, ida ne’e vantajen tebes ba Setor Privadu,” Informa nia. (BT)