DÍLI----Institutu Nasionál Dezenvolvimentu Mâo-de-Obra (INDMO-sigla portuges), konkursu nasionál ba aptidaun tinan 2021 ba dala-7 nian kona ba konstrusaun sivil ne’ebe mak hetan partisipasaun husi sentru formasaun lima.

Tuir Prezidenti Komisaun Organizadora Konkursu Nasionál Aptidaun, Amandio Livio Borges Belo, Hatete, Aktividade ohin hala’o konkursu nasionál ba aptidaun tinan 2021 ba dala-7 iha tinan ne’e sei foka liu ba area konstrusaun sivil hanesan pedreiru, kanalizasaun, soldadura, Elektrisidade no karpintaria iha sentru formasaun profisioná lima.

“Aktividade ohin ita hala’o hanesan konkursu nasionál ba aptidaun tinan 2021 ba dala-7 nian ne’ebé ita hala’o iha tinan ida ne’e, konkursu ida ita sei foka liu ba area konstrusaun sivil ne’ebé mak inklui pedreiru, kanalizasaun, soldadura, Elektrisidade no Karpintaria, iha konkursu ida ne’e sei partisipa husi sentru formasaun lima mak hanesan sentru Formasaun Tibar, sentru formasaun profisionál bekora, sentru formasaun profionál Don bosku, husi munisipiu sentru formasaun profisionál ba fatumaka no sentru treinamentu salele,” Hateten Prezidenti Komisaun Organizadora Konkursu Nasionál Aptidaun, Amandio Livio Borges Belo ba jornalista sira iha sentru formasaun Polisia Komoro Dili, Segunda (22/11).

Nia hatutan, Konkursu ida ne’e halo entre Sentru sira, maibé la’os entre sentru mak kompete, maibé sira kompete hasoru padraun servisu industria nian ne’ebé mak iha Timor-Leste no mós ba rai liur, konkursu ida ita halo durante loron lima, tanba presija kompleta tan tafera hanesan projetu ki’ik ida durante loron lima hahu ohin loron 22 to’o 26, sira sei hala’o iha ne’ebá no ita halo iha ne’e motorize tuir video konferense virtual.

Nia dehan, Juri sira ne’ebé mak avalia sira ne’e mai husi kompañia sira husi nasionál nomós internasionál ne’ebé mak ita atu hamutuk sira hanesan avaliador atu avalia sira-nia atividade sira ne’ebé sira halo.

“Ita sei organiza mós juri sira nain-7 ne’ebé mak ohin ita temi ona, sei halo said visit ikus liu iha loron 29 novembru to’o loron tolu dezembru, ita sei hala’o ida ne’e iha sait visit hare’e diretamente iha sira nia fatin ba projetu ne’ebé sira halo ita sei hare’e diretamente sira nia kualidade no finanlidade husi projetu ne’e oinsa,” Katak nia.

Nia haktuir, Rezultadu ikus sei hala’o seromonia enseramentu iha loron neen dezembru no sei iha fahe premiu ba primeiru lugar , segundu no terseiru, juri nain-7 ne’e hamutuk hodi availia katak ida ne’ebé mak ninia rezultadu ne’e di’ak liu tuir espetasaun industria katak ne’e di’ak sira sei hetan premiu.

Nia esplika, Relasioná kona ba sertifikadu ohin ne’e ita iha aktividade hira kedas ne’ebé mak hala’o iha ne’e, ida ba sentru formasaun sira ne’ebé mak hetan rejistu husi INDOMU atu hala’o formasaun sertifikadu seluk ne’ebé mak ita fahe mós ba sentru akreditadu sentru ne’ebé mak atu hala’o formasaun ba pakote kualifikasaun nasionál.

“Akreditasaun sertifikadu seluk ne’ebé mak ita fahe ne’e ba partisipante sira husi formasaun ba iha apak, hanesan ohin akreditasaun komisaun husi AZEA pasifik nian ne’ebé mak atu hare’e kona ba sertifikasaun no akreditasaun ba sentru ne’ebé mak hakarak inklina ba sai hanesan padraun nasionál husi APAK, tanba ne’e mak ohin sira partisipa ne’e,” Relata nia.

Nia salienta, Partsipante sira balun ohin iha hela Munisipiu ho membru INDIMO nian mós iha munisipiu ne’ebé mak hala’o asegura katak, aktividade foramasaun ida ne’e la’o ho di’ak.

Iha sorin seluk, Ministru Koordenador Asuntus Ekonómikus (MKAE) Joaquim Amaral, Hatutan, Eventu anual husi INDMO ne’ebé ho nia onjektivu atu teste Formandu sira ne’ebe aprezenta husi sentru formasaun sira ne’ebe passa servisu iha esperensia oitoan, entaun halo kompetisaun Nasionál Aptidaun tinan 2021 ba dala-7 ne’ebé hanesan oportunidade ba iha joven sira aproveita hatudu talenta no kapasidade.

“Formasaun ne’ebé sira hetan husi sentru formasaun sira ne’e bele kualifikadu ona atu bele tama iha merkadu traballu hodi kompete ho triballador husi nasionál no mós internasionál, hanoin ida ne’e hanesan oportunidade ne’ebé la’os de’it atu loke kompretisaun nasionál ba aptidaun, maibé iha mós oportunidade atu INDMO hanesan orgaun regulador ba sentru formadosaun sira fó sertifikadu ba iha sentru formasaun sira,” Haktuir Ministru Koordenador Asuntus Ekonómikus (MKAE) Joaquim Amaral. (BT)