DÍLI----Diresaun Nasionál Empregu No Exterior (DNEE) Sekretariu Estadu Formasaun Profesional no Empregu (SEFOPE) fó Preleminary Training (PT) konaba kultura Corea nian ba trabalhadór Timoroan sira ne’ebé mak hetan ona kontratu atu ba servisu iha Corea do Sul.

Tuir Diretór DNEE, Filomeno Soares, hatete, Objetivu aktividade ohin DNEE hala’o Preleminary Training (PT) ba trabalhador sira ne’ebé mak hetan ona kontratu atu ba servisu iha Corea do Sul hodi oinsa bele hatene kultura Korea ninian.

“Atividade ne’ebé mak durante-nia prosesu lao, ita sempre halao ona tanba atu bele hanorin sira konaba kultura ne’ebé mak husi nasaun sira ne’ebé mak sira atu ba atu nune’e sira hatene saida mak sei akontese iha korea,” Hateten Diretór DNEE, Filomeno Soares ba jornalista sira iha salaun CNI Bekora, Segunda (22/11)

Nia Hatutan, DNEE fó Preleminary Training (PT) ba trabalhador foun sira ne’ebé mak daduan ne’e prepara daduan ona atu hein kontratu tama sira sei ba aranka ba Coreia. “Sesaun ida ne’e fó hanoin ba alin sira ne’ebé mak hetan kontratu foun mai husi korea ne’e atu tuir sesaun ne’e atu bele halo kompleta ba sira nia prosesu tomak ne’ebé mak durante ne’e sira tuir hela,” katak nia.

Nia dehan, Totál trabalhador kontratu ne’ebé mak tama ne’e, atu besik 400 maibé ita fahe grupu tolu, ita nia fatin mak falha ohin ita hala’o uluk mak na’in-100, depois mai tan sei aumenta too loron 9 nia laran. “Trabalhadór sira ne’e mantein kontinua, to’o kontratu tama, ida en’e atividade regular ba DNEE, no atividade ne’e kultura servisu ninian iha Korea no material sira ne’e mai husi Ema ne’ebé orijinál Corea nian mak mai formasaun,” Afirma nia. (BT)