DÍLI----Prseidenti Kadalak Institutu of Public Policy (KDA’I), Verguilio da Silva Guteres, Hatete, Ohin KDA’I organiza seminariu ida ho tema “Politika Publika bazeia ba evidensia, esperiensia iha Timor-Leste (TL)” atu oinsa fahe hanoin hamutuk ba publiku, partidu politiku sira, akademi no estudante sira kona ba lalaok politika bazeia ba evidensia.

“Ohin ne’e atividade ida ne’ebé KDA’I mak organiza seminariu ida ho topiku politika publika bazeia ba evidensia; esperiensia iha Timor-Leste (TL), atividade ne’ebé sai importante foku prinsipal ba klibur KDA’I ninia, objetivu ne’e atu fahe hanoin ho publiku liliu ho partidu politiku sira, akademi no estudante sira kona ba saida mak ita intende kona ba politika publiku no saida mak politika bazeia ba evidensia, tanba ita hotu hatene katak ita nia dezemvolvimentu ne’ebé atu satisfas ema maioria entaun oinsa mak atu hatene ema maioria ninia hakarak no ninia interese, entaun ita tenki halo estudu peskiza hatene populasaun Díli ne’e ninia hakarak ne’e saida, populasaun iha munisipiu sira seluk ne’e nia hakarak saida,” Hatete Presidenti KDA’I, Verguilio da Silva Guteres ba jornalista sira iha salaun Suai Room timor plaza Díli, Tersa (26/10).

Nia hatutan, Atu hatene Komunidade no populasaun nia hakarak ne’e ita tenki tun ba kraik halo peskiza no depois formula depois ikus mai elabora sai konseitu ne’ebé ita bolu politika publika tanba bazeia ba politika publika ne’e mak ikus mai politiku nain sira hola desizaun bele dehan tanba nesesidade hanesan ne’e, entaun dezemvolvimentu tenki setor ida ne’e.

Nia dehan, Atu halo buat ne’ebé eskala de prioritizasaun buat hotu-hotu urzenti hotu, maibé ida ne’ebé mak prioridade liu , ba uluk ekonomia ka, industria mak uluk ida ne’e mak ha’u hanoin objetivu husi KDA’I no ohin membru KDA’I nain-2 mak sei apresenta sira nia hanoin kona ba asuntu politika publika ne’e.

Iha sorin Seluk, Estudante husi UNTL Fakuldade Direitu, Lucia Tania Cris, hatutan, tuir nia observasaun ohin seminariu ne’ebé mak koalia kona ba politika publika ne’e diak teb-tebes no ohin mos husi KDA’I esplika detalu los kona ba bazeia husi sira nia esperiensia rasik kona ba politika publika ne’e rasik.

“Nu’udar estudante ha’u senti orguilu tebes no apresia tebes tanba ita hatene katak atu hetan oportunidade bele rona konteudu ne’ebé mak importante hanesan ne’e susar tebes no lafasil, entaun ohin ha’u konsege aprende buat barak kona ba saida mak politika publiku, saida mak akontese iha timor liliu partisipasaun iha vida politika nomos ita-nia komunidade sira, entaun ha’u senti seminariu ida ne’e importante ba ita nu’udar joven atu hatene ita-nia situasaun atual no bele mos seminariu ida ne’e sai util ba iha futuru, sai hanesan evidensia no ha’u konsege aprende buat barak los,” Haktuir Estudante husi UNTL Fakuldade Direitu, Lucia Tania Cris.

NIa Afirma, Espera kolega sira seluk ne’ebé mak ohin tuir seminariu mos bele aprende buat barak hodi ita mos bele kontribui uituan ka fo netik impaktu positive ba ita nia nasaun Timor-Leste. (BT)