KOVALIMA----Administrador Munisipiu Covalima, Francisco de Andrade, Hatete, AMC distribui motorizada ho marka CB 150 Verza hamutuk 14 ba xefe seksaun iha Postu Administrativu 7 iha Covalima atu oinsa haforsa diak liutan servisu iha terretu.

“Ohin ita entrega motorizada ba xefe seksaun Iha Postu Administrativu 7, ne'ebe total morizada 14, motor ida ne'e ita fasilita sira nia serbisu durante ne'e sira hala'o iha terenu,” Hateten Administrador Munisipiu Covalima, Fransisco de Andrade ba jornalista sira hafoin remata entrega motorizada ba xefe seksaun sira iha Administrasaun munisipiu Covalima, Tersa (26/10)

Administrador husu ba xefe seksaun sira atu kuidadu motorizada sira ne'e no tenke lori hala'o serbisu labele uza fali ba uza hodi hala'o privadu. “Ohin mos husu ba xefe seksaun sira katak motor ida ne'e apoiu imi nia serbisu ba estadu nian labele uza tempu ida ne'ebe iha imi nia privadu sira, tanba akontese dala barak ona ema sira ne'ebe simu motor ne'e la sentimentu ba motorizada sira hanoin motor estadu nian ne'ebe sira uza laiha responsabilidade,” Nia sublina.

Administrador husu ba xefe seksaun sira nia komprensaun didiak tanba estadu hanoin mak ohin loron entrega ona motorizada atu hodi fasilita imi nia serbisu 9ha terenu tan ne'e tenke uza ho kuidadu no responsabilidade. Nia dehan, Planu sosa motor ne'e iha orsamentu ida ne'ebe mai rasik husi Munisipiu hodi sosa ohin entrega ona ba funsionariu sira tanba kada motorizada ida sosa ho folin U$ 1.750.00,” Informa nia. (BT)