OGUES----Ministeriu Justisa iha Segunda (25/10) feira ne'e hala'o divulgasuan lei 3 ba komunidade sira iha Suku Ogues, Postu Administrativu Maucatar, Munisipiu Covalima.

Vise-Ministru Justisa José Edmundo Caetano, Hatete, Lei 3 ne'ebe estadu Timor-Leste aprova liu hosi Parlamentu Nasional no Prezidente Republika promulga ona mai e sosiedade sei dauk iha koñesimentu kona ba Lei tolu ne'ebe ohin mai divulga ne'e.

Nune’e Lei hirak ne’e hanesan Lei N⁰13/2017 kona ba rejime espesialidade ba definisaun tutilaridade bein imóvel, Lei N⁰8/2017 kona ba espropriasaun ba utilidade publiku no Lei N⁰9/2002 kona ba nasionalidade.

“Lei ne'ebe mak ita nia estadu Timor-Leste aprova liu hosi PN no ita nia Prezidente Republika promulga ona, maibe ita nia sosiedade sei dauk iha koñesimentu ba Lei tolu ne'ebe ohin ita mai habelar ba komunidade sira iha suku ida ne'e,” Hateten Vise-Ministru Justisa (V-MJ), José Edmundo Caetano, ba jornalista sira hafoin remata divulgasaun Lei ba komunidade sira, iha Suku Ogues, Segunda (25/10).

Nia dehan, Lei sira ne'e sosiedade sei dauk iha koñesimentu tan, Ministériu Justisa iha hanoin ona programa atu divulga Lei ba suku sira iha teritoriu Timor laran tomak, nune’e ba tinan ida ne'e MJ hahu divulga hosi Munisipiu Manufahi no ohin kontinua mai iha Munisipiu Covalima hodi divulga ba komunidade sira iha Suku Ogues.

Nia hatutan, divulgasaun ne'e laos hala'o dwit iha suku Ogues maibe sei hala'o mos ba iha suku seluk iha Munisipiu Covalima, tamba Lei ne'enia funsaun atu kontrola .ba sosiedade no sosiedade bele hatene no iha koñesimentu klean hodi hetan kria estabilidade no hetan pas iha sosiedade.

Sikun seluk, Reprezentante Administrador Postu Maucatar, Adriana da Costa, Haktuir, Postu Maucatar kompostu hosi Suku 4 mak hanesan Suku Belekasak, Matai Holpilat no Ogues, total aldeia 22, durante ne’e komunidade hasoru problema boot liu mak kona ba problema rai. “Durante ne’e komunidade hasoru problema boot liuliu kona ba problema rai abandonadu, problema rai okupasaun, problema rai baliza entre komunidade ho komunidade,” Deklara nia. (BT)