KOVALIMA----Perfurasaun Mina iha rai maran (Onshore) Covalima dadaun ne’e seidauk hahú, kompañia manan na’in tenderizasaunTimor Resources haruka fila traballadór tekniku na’in-12 nba Indonesia.

Tuir Country Manager Timor Recources, Filomino Andrade, Deklara katak nia parte haruka tekniku na’in-12 fila fali ba sira nia rai moris fatin Indonezia tanba to’o ohin loron perfurasaun mina iha Suai sei dauk hahu fura no adia hela.

“Loos duni foin lalais ne'e ita haruka fila traballadór teniku na’in-12 ba nia rai moris Indonesia tanba haree ba perfurasaun mina mos sei dauk hahu, no kada loron kompañia tenke selu orsamentu ho montante boot ba tekniku sira maibe haree ba perfurasaun sei dauk lao,” Hateten Country Manager Timor Recources, Filomino Andrade ba jornalista sira via telefoni, Sabadu (23/10).

Filomino akresenta, Traballadores tekniku hirak ne’e haruka fila tanba kustu ne'ebe kompañia selu ba sira bo’ot no kada loron bele selu ho montante dalar Amerikanu atus neen to’o atus ualu ($ 600-$ 800).

Nia haktuir, Karik data fiksu loloos ona ba perfurasaun mina klaru ona mak sei haruka tekniku sira ne’e fila fali mai. Entretantu perfurasaun mina sei dauk hahu tanba sei dauk hetan aprovasaun hosi Autoridade Nasional Petroleu no Minerais (ANPM) tan ne'e kontinua adia data perfurasaun ne'e. (BT)