DíLI----Diretor Ezekutivu Institutu Apoiu Dezemvolvimentu Empresarial (IADE), Filomeno Marcelino Belo, Hatete, Ohin IADE oferese orsamentu ho montante hamutuk $133,400.00 ba emprezariu-19 ne’ebe benefisiariu ba programa Fasilidade Inkubasaun Negósiu (FIN) iha tinan ida ne’e.

“Iha momentu ida ne’e IADE oferese ba emprezariu-19, benefisiariu ka babain iha IADE ami bolu kliente ba programa FIN tinan ida ne’e ho montante orsamentu alokadu hamutuk $133,400.00 ne’ebé atribui ba benefisiariu-19 kada benefisiariu ka empreza hetan montante kiik liu $3.000 no boot liu $11,765.00,” Hateten Diretor ezekutivu IADE, Filomeno Marcelino Belo liu husi Nia diskurusu iha salaun IADE Bebora Mandarin Díli, Sexta (22/10).

Nia hatutan, Apoiu sira ne’e la 100% osan, apoiu sira ho montante ne’ebé mak temi sei aloka ba item-6 ida mak apoiu ekipamentu makina produsaun ba emprezariu sira , apoiu ida mak ba costume, apoiu material prima ba halo produsaun, apoiu harii edifisiu foun fatin produsaun ba emprezariu sira, apoiu ba promosaun halo komersializasaun ba emprezariu sira atraves halo produs hela plaka naran ba kada emprezariu sira ne’ebé hetan apoiu husi IADE.

Nia relata, IADE mos apoiu fundus ba sira nu’udar soon ba operasionál ba sira nia empreza, ho apoiu hirak ne’e IADE sei kontinua fo asistensia teknika ba empreza 19 ne’e durante tinan-2 nia loran atraves husi atividade hanesan monitorizasaun, halo konservamentu no akompaniamentu ba sira durante tinan-2 hodi bele justifika no fo tekniku apoiu sira.

Iha momentu ida ne’e mos hakarak informa katak iha tinan ida ne’e proposta ne’ebé IADE simu atu asesu ba programa ida ne’e total hamutuk 36 proposta maibé depois liu husi prosesu ne’ebé naruk konsege ita fo apoiu ba emprezas-19 ne’ebé mai husi 11 emprezas ne’ebé lidera husi feto no 8 emprezas ne’ebé lidera husi mane kuaze iha teritoriu timor loran tomak espesial iha Díli 11 emprezas no iha munisipiu iha 8 emprezas.

“IADE sei kontinua organiza prosesu intrega apoiu FIN ida ne’e ba munisipiu-3 tan iha tempu besik liliu iha munsipiu manatutu,Baukau no Vikeke,” Afirma nia.

Iha sorin seluk, representante benefisiariu, Sandra Alves do Rego, ho ninia negosiu produsaun vestuariu diversifikasaun tais faan ho movel futus furakunip Lda, agradese ba IADE ne’ebé mak apoiu ona emprezairu sira maske ho pandemia covid-19 maibé IADE nafatin fo atendimentu diak ba emprezariu sira.

“Ami agradese wain ba IADE ne’ebé mak durante ne’e akompania no suporta makaas tebes ba media no penas imprezas sira ne’ebé mak sai emprendedor liu husi instituisaun IADE maske iha tempu Covid-19 IADE nafatin fo atendimentu diak mai ami,” dehan nia

Nia informa, Apoiu ne’e valor tebes mai ami tanba hamoris hikas espiritu emprendedorizmu iha ami nia negosiu hodi kolga sira nia naran no pesoalmente ami orguilo ba instituisaun IADE, tanba sistema atendimentu enjeral no akompanamentu ne’ebé mak diak ho pasensia tebes liliu ba staff husi IADE ba empreza ida-idak, ami espera katak nu’udar emprezariu ami mos tenki iha komitmentu hodi utiliza no implementa fundu apoiu ne’ebé mak simu ona husi IADE ho responsabilidade atu nune’e bele garante no negosiu hotu-hotu lao diak no iha sustentabilidde hodi dezemvolve empreza ida-idak iha rai doben Timor-Leste. (BT)