KOVALIMA----Aviau Z VH-PUY husi Australia transporta ona ekipamentu radiativu ba perfurasaun mina nian to'o iha Aero Portu Internasional Comandante-Em Chefe Das Falintil Kay Rala Xanana Gusmão Suai.

Tuir Country Manager Timor Recources, Filmino Andrade, Hatete, Ba loron ohin aviaun sei mai dala rua lori ekipamentu exkluzivu ho radiativu, tanba ne'e iha dader manek ida radiativu mak to'o uluk ona hela deit exklusivu.

“Ohin loron Sesta (22/10) feira ne'e aviaun sei mai dala rua hodi ekipamentu exklusivu ho radiativu ne'e planu ba perfurasaun nian, tan ne'e ohin dader nian hanesan ita hotu haree radiativu ho exklusivu balu to'o iha Aeoro Portu Suai,” Hateten Country Manager Timor Recources, Filmino Andrade ba jornalista sira iha Aero Portu Internasional Comandante-Em Chefe Das Falintil Kay Rala Xanana Gusmão, Sexta (22/10).

Nia haktuir, Exklusivu rua ne’e labele kahur hamutuk exklusivu secundaria ho primaria, tan ne'e aviaun ne'e sei fila ba lokraik tuku 3 hanesan ne'e mak foin lori fali exklusivu hosi Australia mai iha Suai.

Nia informa, Ekipamentu hirak ne'e sei lori ba rai iha fatin akampamentu perfurasaun Mina Matan Feto Maus Suai nian ne'ebe preparadu ona. “Ohin dader unidade Espesial ba radiativu ho exkluzivu nian ba halo tiha ona inspesaun ba fatin ne'ebe atu rai sasan hirak ne'e ba ne'ebe fatin sira ne'e prontu hotu ona,” Relata nia.

Filmino Andrade salienta, Ekipamentu radiativu ho exkluzivu ida ne'e mak kompleta ekipamentu sira ne'ebe antes ne’e iha tiha ona. “Loos duni ida ne'e mak mai hanesan taka odamatan hein deit sertifikadu prontu atu halo perfurasaun hosi Autoridade Nasional Petroleu no Minerais (ANPM) atu nune'e bele hahu ona perfurasaun tanba ida ne'e mak kondisaun importante espesial tebes labele hala'o perfurasaun se karik material exkluzivu ho radiativu sei dauk to'o, maibe ohin grass deus buat hirak ne'e to'o pratikamentu buat hotu prontu ona,” Dehan nia.

Nia hatutan, Ekipamentu hirak ne'e ANPM halo inspesaun kompleta tiha ona buat kiik sira ne'ebe presiza atu hadia ne'e mak kompletu hotu ona no agora hein deit bainhira mak hetan sertifikadu prontu ona atu hala'o perfurasaun ekipamentu hirak ne'e ita konsidera primaria exklusivu nian.

Entretantu hafoin ekipamentu hirak ne'e to'o iha Aero Portu Internasional Comandante-Em Chefe Das Falintil Kay Rala Xanana Gusmão simu doreita hosi Country Manager Timor Recources Filmino Andrade, Alfandega, Kandante PNTL Munisipiu Covalima no unidade polisia sira seluk destakadu iha. (BT)