DÍLI----Bankada Partidu Demokratiku (PD)-Deputadu, Mariano “Asanami” Sabino kestiona Sentru Lojistiku Nasionál (CLN sigla Portugues) ne’ebe mak foti komunidade sira-nia fós iha Maliana durante fulan neen ona seidauk selu.

“Fos Produtu Lokál ne’ebé mak iha Parte Maliana nian iha parte Zumalai iha fatin lubuk ida ne’ebé mak fos ne’e foti tiha ona husi CLN iha fulan 5-6 liu ba maibé seiduak selu too agora sira ejije au selu ona sira presisa hodi halo fali atividade seluk” Hateten Bankada PD Deputadu Mariano Sabino Asanami iha nia intervensaun iha sala plenaria uma fukun PN, Tersa (19/10)

Nia htaun, PD kestiona tanba baibain CLN foti ona fos la too fulan ida ka rua maibé agora too fulan 6 maibé seiduak selu tanba antes ne’e ekipa lubuk ida husi Parlamentu atu ba halo Verikasaun iha neba katak too ohin loron seiduak selu.

Alende ida ne’e iha kompañia lubuk ida ne’ebé mak iha Parlamentu mos iha ekipa ida hodi verifika konaba obras sira ne’ebé mak sira halo, balun kobre ne’e estadu uza hela maibé too agora seidauk selu. “Ita ko’alia konaba rekoperasaun ekonomia mais obras lubuk ida ne’ebé mak kompañia lubuk ida ita seiduak selu too agora,” Preokupa nia.

Iha sorin seluk, Bankada PUDD-Deputada, Domingas Dos Santos, Haktuir, Iha Munsipiu Bobonaro iha membru kooperativu barak mak faan sira nia hare maibé CLN ba sosa seidauk selu. “Bobonaro mós menbru Kooperativa ne’ebé mak faan sira nia hare ba CLN maibé too ona fulan 5 ona maibé seidauk selu, sira presiza osan atu selu ba kreditu Koperativa, maibé sira lamenta tanba kleur tebes CLN la selu sira nia hare,” Haktuir Deputada, Domingas Dos Santos.

Nia Informa, Komunidade sira hatete katak udan atu tau rai tan ona ami atu halo natar mos ami osan laiha tanba hare ne’ebé ami faan ba CLN too oras ne’e seiduak selu. (BT)