DÍLI----Prezidenti Komisaun Funsaun Públika (KFP) Faustino Cardoso Gomes, Hatete, Ohin Komisaun Funsaun Públika (KFP) mai atu atualiza teste promosaun ba grau funsaun publika nian ba Primeiru Ministru (PM) Taur Matan Ruak tanba tinan ida ne’e teste promosaun eletróniku bad ala tolu nian.

“Husi Komisaun Funsaun Públika (KFP) mai halo audensia ho Primeiru Ministru (PM) hodi atualizasaun no realizasaun teste promosaun Grau iha Funsaun Públika nia laran,” Hateten Prezidenti Komisaun Funsaun Públika (KFP) Faustino Cardoso Gomes hafoin remata audensia iha residensia PM Farol, Seguda, (18/10).
Prezidenti KFP haktuir, tinan ida ne’e, teste promosaun eletrónika hala’o ba da tolu, hahú primeiru iha tinan 2019, 2020 no 2021, ne’e sei hala’o regularmante kada tinan tinan, maibé tinan ida ne’e, iha kandidatu elizdor ba iha teste promosaun ne’e hamutuk 8700 resin, hodi kompete ba vaga hamutuk 878, ne’e porsentu 10 husi total kandidatu 8700 resin, maibe imajina 8 Mil atu foti hadau lisuk promosaun ba vaga hamutuk 878.

“Ba tinan ida ne’e, iha mos teste online promosaun ninian, atu hatan ba diplomata sira, funsionáriu tékniku sira maka destakadu iha misaun diplomata iha mundu tomák, iha embaizada sira hamutuk 19, iha sidade hamutuk 24 iha mundu,” Dehan Presidente KFP.

Faustino dehan, Teste ne’e hahú horseik loron 18 fulan Outobru tinan ida ne’e no sei termina iha loron 3 fulan Dezembru tinan ida ne’e, kada loron sei iha ema na’in 300 mak sei tuir teste, fahe ba tormu tolu tormu ida ema 100, huhú dadersan tuku 9 to’o lokraik tuku 6. Rezultadu teste promosaun ne’e ril time, hot-hotu iha sala teste sai mai ninia rezultadu bele hare kedas iha fatin refere, C ho nia pontuasaun to’o iha ne’ebé ida-idak bele hatene kedas, ne’e mak transparansia kredibilidade no avansu ne’ebe ita tenta atu konkista nafatin iha ambitu modernizasaun funsaun publika.

Nia hatutan, ba vagas hamutuk 878 ne’e ba vaga promosaun, tuir grau ida-idak nian, husi Grau B ba A, husi Grau C ba D, husi Grau D ba C, husi Grau E ba D, husi Grau F ba E no husi Grau G ba F, husi numeru vagas ne’e Grau ida-idak iha porsentu 10 ba promosaun ninian tanbá desde tinan 2019 Komisaun bazeia ba politika Governu nian, iha altura ne’ebá, avansa ho realizasaun promosaun regularmente kada tinan.

Entretantu ba tinan ida ne’e hahú ohin loron 18 Outobru tinan ida ne’e, ohin Komisaun hamutuk ho Prezidenti parlamentu Nasional, Ministra Negósiu Estranjeiru no Kooperasaun ho Membru Governu sira seluk, halo abertura iha edifisiu MNEK. Ba futuru maka kondisaun permiti ona, kandidatu ba promosaun la presiza atu mai Dili, maibe husi Munisipiu sira iha ona oportunidade atu bele tuir teste promosaun hodi bele hasa’e dezenvolve sira nia kareira iha funsaun públika.

Kona-Bá formasaun ne’e politika ida regularmente hala’o kada tinan, depende ba sitausaun husi kada instituisaun nian, maibe formasaun espesial ba teste ne’e laiha, ne’e fila hikas ba ida-idak atu prepara an, tanbá materia ne’ebe maka ba teste promosaun ne’e, material mai husi konesimentu jeral, la’os konesimentu espesifiku tuir are kompetensia ida-idak nian.

“Funsionáriu publiku permanente no ajente administrasaun publika iha teritóriu laran tomák to’o ohin loron 18 Outobru tinan ida ne’e hamutuk 35,525 ne’e la inklui sira ne’ebe maka tama kategoria kazuais ne’ebe maka selu husi Bens Servisu,” Relata nia. (BT)