KOVALIMA----Sekretaria Estadu Peskas (SEP), Elídio de Araújo, Terse (19/10) feira ne'e deside hodi kansela hasoru ho peskadores sira iha Suku Suai Loro no lansamentu husik ikan oan iha Suku Dato Tolu, Postu Fohorem, Munisipiu Covalima.

“Vizita ida ne'ebe hau mai iha Munisipiu Covalima ne'e vizita ida ne'ebe mak programadu tiha ona iha semana ida antes, maibe tanba Munisipiu mos iha atividade barak maka ohin hau lakonsege hasoru administrador no lakonsege ninia sekretariu mos tanba sira iha kesibukan tanba ne'e bele hadia fila-fali ba iha loron seluk para hodi halao atividade sira ne'e,” Hateten Sekretariu Estadu no Peskas (SEP) Elídio de Araújo, ba jornalista sira, iha Hotek Vila Nova Suai, Tersa (19/10).

SEP dehan, Atividades seluk tun ba iha terenu ne'e bele hala'o mas administrador mak hanesan uma nain nia mak ukun iha munisipiu ida ne'e kuandu hau hanesan (SEP ElídiodeAraújo) la konsege hasoru administrador para husu lisensa molok hala'o atividade iha munisipiu ida diak liu kansela.

Programa sira ne'ebe ajenda ona mai iha Kovalima mak hanesan hasoru malu ho peskadores sira iha Suku Suai Loro, no kontinua ba halo la samentu husik ikan oan iha Suku Dato Tolu, Postu Administrativu Fohorem, maibe atividade sira ne'e kansela no sei hala'o atividade sira ne'e iha loron seluk tanba administrador ho sekretariu sei preokupa ho atividade sira seluk.

“Ita kansela lai no kalkula tempu ne'ebe diak para ita hasoru malu, ita hakarak halo buat ne'ebe diak ba povu persija liuliu ba hakiak nain sira, peskador sira nia nesesidade tan ne'e mak hau mai iha fatin ida ne'e, komu mai hanesan uma nain sei sibuk ho atividade sira seluk atividade ida ne'e ita kansela ba loron seluk,” Tenik SEP, Elídio de Araújo

Sekretariu Estadu Peskas husu ba peskador tenke mantein nafatin hanesan ema peskador, hanesan ema hakiak nain agrikutura tenke mantein, kanselamentu ne'e la signifika atividade labele lao, objetivu atu hasoru malu ne'e atu bele rona deit sira nia preokupasaun durante ne'e sira hasoru saida mak sira sente sira bele hato'o. (BT)