DÍLI----Ministra Saúde(MS) Odete Maria Freitas Belo, Hatete, Ohin loron, Timor-Leste simu ona total vasina Covid-19 Pfizer BionTech doze 100,620 doasaun husi Estadus Unidus. Vasina Pfizer BionTech sei uza ba vasina labarik sira husi tinan 12 to 18 mai kraik, aliñadu ho desizaun Governu Timor-Leste ba implementasaun vasinasaun ba labarik sira.

“Ohin loron, Timor-Leste simu ona total vasina Covid-19 Pfizer BioNTech doze 100,620 doasaun husi Estadus Unidus. Vasina Pfizer BioNTech sei uza ba vasina labarik sira tinan entre 12 to 18 mai kraik, aliñadu ho desizaun Governu Timor-Leste ba implementasaun vasinasaun ba labarik sira grupu ne’e, Doasaun husi Governu Estadus Unidus Amerika ne’e fundamental tebes ba ita nia esforsu hodi vasina labarik sira tinan 12 no 18 mai kraik no proteje sira husi impaktu Covid-19 mak todan ho kontribuisaun dollar Amerikanu billaun $4 ba akizisaun no transportasaun vasina sira, Estadus Unidus mak doador bo’ot ba COVAX Facility,” Hateten Ministra Saude (MS), Odete Maria Freitas Belo, liu husi Diskursu iha Sames kampu Alor Díli, Segunda (18/10).

Nia hatutan, Ne’e aumenta Governu Timor-Leste nia esforsu atu garante ema barak iha país ne’e simu vasina kontra Covid-19 no reduz impkatu ba ema moras no ita-nia sistema saude tanba COVAX pilar vasina ba Aselerador ba Asesu feramentu Covid-19 (ACT sigla Inglés), hanaran kolideradu husi Coalition for Epidemic Preparedness (CEPI sigla Inglés) Aliansa ba Vasina (GAVI sigla Inglés) no Organizasaun Mundian Saúde (OMS) – parseria ho UNICEF hanesan parseiru implementadora, nune’e mós organizasaun sosiedade sivil sira, fabrika vasina sira, Banku Mundial no sira seluk. COVAX Advance Market Commitment (AMC sigla Inglés) halo tuir resposta multilateral ba krizi pandemia, aumenta eisperiensia ajensia bilateral sira, rekursu doador sira, no kompromisu país reseptor sira hodi apoia asesu ekuitativu global ba vasina Covid-19.

Enkuantu, Enkaregadu Estadus Unidus America iha Timor Leste, Tom Daley, Hatutan, Estadus Unidus hamutuk ho Timor-Leste hanesan amigu ida no parseiru duradoura wainhira ami servisu hodi kombate hasoru Covid-19, Remesa ohin loron hatudu ami-nia apoiu ba Governu nia esforsu sira hodi salva moris iha Timor-Leste partikularmente ba labarik sira husi tinan 12 ka liu. Ami orgullu hodi disponibiliza vasina sira tamba ne’e buat loos ida atu hapara pandemia ne’e no impulsiona rekuperasaun ekonomia.

“Doze 200,620 ne’ebe entrega husi Governu Estadus Unidus hanesan parte doze sira vasina Covid-19 alokadu husi COVAX Facility ba Timor-Leste tanba COVAX mak parseiru ida apoia hela ona governu sira iha mundu hodi prepara no implementa kampaña vasinasaun Covid-19,” Haktuir Enkaregadu Estadus Unidus America iha Timor Leste, Tom Daley.

Enkaregadu ne’e haktuir, Iha Timor-Leste, UNICEF no OMS apoia hela ona Governu Timor-Leste ba implementasaun planu nasional ba vasinasaun tanba fasilidade COVAX no provizaun vasina apoia ona husi jenerozidade finansiamentu husi Governu Australia, Bhutan, Canada, Colombia, Republika Korea, Kuwait, Monaco, New Zealand, Qatar, Saude Arabia, Singapore, Team Europeia, United Kindom, Estadu Unidu Amerika no doador noinstituisaun lubuk lubuk ida. (BT)