DÍLI----Presidente Bee Timor-Leste (BTL.IP) Carlos Peloi, Hatete, BTL hanesan instituisaun foun kontiua esforsu atu oionsa reforsa instituisaun hodi asegura fornesimentu Bee-Mos ba komunidade sira ne’ebé mak seidauk asesu ba bee-moos iha nasionál no rurál.

“Díli iha hela prosesu atu meloramentu ba sistema bee iha Díli laran, dadaun ne’e ita iha estudu ida bolu detallu injineiru dezenu ba Díli tomak atu ita bele reabilita DÍLI tomak, estudu ne’e lao desde tinan kotuk espera tinan ne’e sira konklui estudu sira ne’e, maibe Bee Timor-Leste ita kontinua Servisu tanba intitusaun foun ita sei kontinua fokus liu ba buat 3, oinsa ita reforsa ita-nia funsionariu sira, instituisaun liu husi rekruta funsionariu sira hodi halo servisu,” Hateten Presidente Bee Timor-Leste (BTL.I.P) Carlos Peloi ba Jornalista sira iha salaun São João Paulo, Comoro, Sexta (15/10)

Nia Hatutan, Dadaun ne’e BTL iha funsionariu hamutuk-122 maibe sei kontinua halo rekrutamentu iha Munisipiu hotu Bobonaro, Aileu, Ainaro, Same, Manatotu, Likisa, Baucau, Lospalos ita konsege halo intervista hotu , espera katak ita bele anunsia ba kandidatu sira ne’ebé mak bele passa fase tuir mai.
Nia dehan, Tuir ita kontinua halo oinsa ita reforsa instituisaun liu husi Kria no regras atu ita lao tuir, aliende ida ne’e atu asegura fornesimentu bee ba ita-nia komunidade sira iha teritoriu, ita kontinua reforsa operasaun manutensaun sistema bee sira, ne’e iha Díli meloramentu emtermus oinsa ita konbate ligasaun foun.

Nia relata, Ekipta BTL konsege hadi’a entaun sira mós bele hetan bee, ida tan mak komunidade sira iha pontu sira hakilar tanba seiduak asesu liu-liu iha area Kamea nian, dadaun ne’e bee Timor-Leste rasik iha ona Prosesu aprovizonamentu atu kortratu ho konpania sira hodi halo servisu profurasaun iha area sira ne’ebé mak bee seidauk iha.

“Ita-nia komunidade sira durante ne’e nunka asesu ba bee, ita rekohenese iha area Becuse parte Oeste depois ita Ko’a tiha ligasaun illegal sira kano traksasun, ita seidauk konsege fornese ba sira maibé dadaun ne’e ita hadi’a hela resoletoria iha pura iha Taibesi espera iha loron aban bee bele iha ba sira ne’ebé mak iha Becusse Mota parte parte Oeste area karegativas tun mai,” Dehan nia.

Nia Informa, Kuandu ita esplora bee hetan ona ita bele uza bee ida ne’e hodi fornese ba ita-nia komunidade sira, durante ne’e sira la hasesu ba bee tanba ita-nia sistema iha ne’ebá laiha, entaun dadaun ne’e ita halo estudu profusaun hakrak ita hetan bee iha tempu badak ita bele fornese bee ba sira.

“BTL Kopera mós ita ho IPJ, tanba sira halo estudu parte ne’ebá katak sira komesa halo ona Porfurasaun desde horseik sira teste ona Bee (PAMPI TESTE) espera katak resultadu teste ne’e di’ak, tuir guia husi ANAS sira halo estudu IPJ Entrega fali possu sira ne’ebé mak fura ona, BEEE Timor-Leste halo operasaun atu fornese bee,” Esplika nia.

Nia haktuir, BTL operasaun ba manutensaun ba bonba sira ne’ebé mak instala husi PNDS sira ne’ebé mak avaria, no manutensaun ne’e lao laos iha Díli de’it maibé lao Mós iha munisipiu Sira ne’ebé mak hetan avaria tanba servisu operesaun Manutensaun kontinua lao laos iha Díli de’it maibé iha area rurais sira hanesan iha Natarbora sira nia bomba aat ami hadi’a, Vemasse vila, Berkoli, dadaun ne’e haruka sira atu ba tan fali iha area Buibau Baucau, Laga Samalari, Kelikai, hodi hare Bomba sira ne’ebé mak PNDS sira uluk instala hela dadaun ne’e avaria no komunidade kontaktu Bee Timor-Leste apoiu sira entaun ami prepara ekipa hodi hadi’a Bomba sira ne’ebé maka Avaria.

“Ita rekhonese mak ita-nia komunidade lubuk ida mak sei halerik bee tantu iha Díli nomós iha teritoriu lubuk ida, ita sei halo operasaun mauntensaun sistema bee sira ne’ebé mak sira iha, Ita promove Projetu foun sira iha area ne’ebé mak la asesu ba bee, Kamea, Metinaro tanba ita lansa hela projetu Reabilitasaun sistema Bee iha Maubise vila, Fatubuiliku, Kelikai, Bazartete ita sei halo porfursaun wanhira ita hetan bee mak ita prevene sala depois iha Fatuberliu ne’e iha rea ne’ebá no sei mai tan Enjineiru sira servisu lapara sira kontinua levantamentu dadus ba Terenu depois sira mai halo sira nia Dezenu espera ba ita lansa projetu foun sira ne’e iha area sira ne’ebé mak durante la asesu bee,” Tenik nia.

Entretantu, estudu ita fahe ba area rua iha parte Díli Oeste ho Díli Leste, sé Didi ne’e kompletu ita sei halo Negosiasaun ho ita nia parseiru sira ne’ebé mak prontu atu finansia, ita dadaun ne’e ita halo hela prosimasaun ho maluk sira sira husi Banku mundiál ho ADB krik sira prontu finansia projetu Meloramentu sistema Bee iha Díli tomak. (BT)