KOVALIMA----Diretor Saude Munisipiu Kovalima, Filipe Pereirra Lemos, Hatete, Aimoruk vasina Astrazeneca sei expire iha loron 21 fulan Outobru 2021 tan ne'e husu atu aselera lalais halo vasinasaun ba komunidade sira ne’ebe sei dauk simu vasina.

“Aimoruk vasina Astrazeneca hotu nia sei expaire iha loron 21 fulan Outobru tinan ne’e,” Hateten Diretor Saude Munisipiu Kovalima, Filipe Pereirra Lemos ba jornalista sira iha nia kanr fatin Kamanasa, Kuarta (13/10).

Nia hatutan, Aimoruk Astrazeneca ida fali sei tan expire iha loron 9 fulan Novembru tinan ne’e hotu tanba ne’e dadaun esforsu par oinsa bele aselera lalais halo vasinasaun ba komunidade sira ne’ebe sei dauk simu vasina. Nia dehan, Relasiona ho aimoruk Astrazeneca sei expire iha tempu badak nia laran husu pesoal saude sira aselera lalais halo vasinasaun ba komunidade.

“Ho nune’e ita aselera lalais vaaina ida ne'ebe atu expaire iha loron 21 fulan Outobru, molok to'o iha loron ne'e ita nia vasina ne'ebe iha bele fo ba ita nia komunidade hodi nune'e labele estraga ita nia aimoruk,” Dehan nia. Nia sublina, Oras ne'e daudaun stok aimoruk Astrazeneca iha armajen Saude Kovalima hamutuk 760 inklui sentru saude sira hotu. (BT)