DÍLI----Governu liu husi Ministeriu Negosius Estrajeiru no Koopersaun(MNEK), Sekretariu Tekniku Administarsaun Eleitoral (STAE), Konsellu Nasionál Eleisoens(CNE-sigla portages) no Ministeriu Justsa (MJ) hahu halo prosesu ba Resensiamentu Eleitoral baze dadus ba sidadun Timor-Leste iha rai liur hanesan, Australia, Portugal, Korea do Sul no Inglanterra.

Tuir Direktor Jeral Asuntus Protokulares no Konsulares, Ministeriu Negosius Estrajeiru no Koopersaun (MNEK), José António Amorim Dias, Informa, Fó resensiamentu ba notariadu baze dadus nomós rejistu husi parte Notariadu Ministeriu Justisa hala’o dadaun ona iha rai liur, maske prosesu ne’e iha pandemia covid-19 nia laran.

“Ita fó resensaimentu ne’ebé ba notariadu baze dadus no mós rejistu ne’ebé husi parte notariadu ministeriu justisa oras ne’e hala’o dadaun iha rai liur, ita hatene katak prosesu ida ne’e iha pandemia nia laran, tanba elisaun prezidensial ne’e atu mai dadaun, importante ba ita nia nasaun ne’ebé ita tenki hala’o duni maske iha dezfius, difikuldade,” Hateten DJ Asuntus Protokulares no Konsulares MNEK, José António Amorim Dias liu husi Pers konferénsia ba jornalista sira iha salaun Institutu Diplomata MNEK Dili, Kinta(14/10)

Nia hatutan, MNEK atraves ita nia Embaxada sira iha liur neste momentu ita hakarak realiza fatin ha’at hanesan Australia, Portugal, Korea Do Sul no Inglanterra, maibé Nasaun Australia iha momentu sei Lokc-Down ita seidauk komesa, maibé ita hala’o dadaun iha Portugal, Korea do Sul no Inglanterra.

Nia dehan, Prosesu ne’e iha Pandemia, prosesu la’os situasaun ne’ebé fasil ne’ebé iha dezafius no iha difikuldade balun, tema maneira jeral ninia rezultadu provizoria ne’ebé ba rejistu resensiamentu ne’e la’o di’ak hela. “Husi parte MNEK halo esforsu koordena ho Embaxada timor-leste nian iha rai liur atu bele apoiu tekniku sira husi STAE, notariadu ministeriu justisa no akompaña husi CNE atu bele hala’o prosesu ne’e ho di’ak, ida ne’e mak husi parte MNEK atu fasilita hare’e fatin fasilidade hodi apoiu no neste momentu bu’at hotu la’o di’ak,” Afirma nia.

Nia informa, Embaixada TL iha rai tolu ne’e halo esforsu ajuda maka’as atu tekniku sir abele hala’o servisu di’ak liu tan, Inglanterra iha difikuldade balun ne’ebé ita parte populasaun ne’ebá mós hanesan komplein oitoan rekarama katak fatin ladun bo’ot, iha ita nia embaixada mós fatin ladun di’ak no luan atu apoiu sira hotu, maibé tenki komprende situasaun sira mak hanesan ne’e,

Iha sorin seluk, Direktor Jeral Sekretariu Tekniku Administarsaun Eleitoral(STAE), Acilino Manuel Branco, hatutan, Aktividade preparasaun ne’ebé importante mak resensiamentu Eleitoral no mós atualizasaun baze dadus ne’ebé mak iha teritoriu nasionál ne’ebé la’o di’ak tebes. “Aktividades preparasaun ne’ebé importante maka resensiamentu eleitoral no mós atualizasaun baze dadus ne’ebé mak iha nivel teritoria nasionál la’o di’ak tebes progresu ne’ebá mak di’ak tebes, nune’e mós resensiamentu baze dadus tuir resolusaun Governu 105/2021 aprova lori hala’o mós aktus importante ida ne’e iha Aileu,” Hatutan DJ STAE, Acilino Manuel Branco.

Nia afirma, hanesan ita hotu hatene katak oras ne’e dadaun timor-leste liu husi nia orgaun administrasaun eleitoral sira STAE no CNE ho entidade relevante sira hotu hala’o hela preparasaun hodi hasoru eleisaun prezidensial 2022 nian,

“Nune’e liu husi resolusaun ne’ebé mak iha aprova deside atu implementa iha pais ha’at hanesan Australia, Portugal, Korea do Sul no Inglanterra, hare’e ba resolusaun ne’ebé aprova atendimentu resensiamentu iha diastro ekipa sira ne’ebé mak asumi responsabilidade ba iha implementasaun ida ne’e halo kedas koordenasaun lori hare’e preparasun sira hodi halo deslokasaun ba iha rai liur,” Akresenta nia.

Nia relata, Ekipa sira ne’e mak parte haat agora dadaun iha ne’e STAE rasik, MJ, MNEK no CNE, halo preparasaun ba bu’at ida, tuir lolos liu resolusaun governu ne’ebé mak iha prosesu ida ne’e tuir lolos tenki hahu iha loron 1 setembru ba to’o iha 14 janeiru 2022, tanba iha situasaun pandemic Covid-19 presija halo rezustamentu lubuk ida , ikus mai ekipa sira foin bele halo deslokasaun iha loron outubru.

Nia subliña, Entermus preparasaun teknikus husi parte haat nian ne’e prepadu, wainhira situasaun lao normal fila fali ekipa sira ne’e hahu halo deslokasaun atu bele halo atendimentu ba komunidade sira iha liur. (BT)