KOVALIMA----Polisia Nasional Timor-Leste (PNTL) liuhusi Komandu Munsipiu Covalima Hala’o enkontru ho komandante eskuadra hitu (7) hodi oinsa kolia kona ba seguransa iha area Munisipiu Covalima tanba iha Covalima seguransa sei hare ba parte rua hanesan fo seguransa ba iha Investimentu Oil and Gas iha Suai nomos kona ba Fronteira ninian.

Maibe Komandante Polisia Nasional Timor-Leste (PNTL) Munisipiu Kovalima, Superintendente Antonio Maria de Sá, Hatete, Komando PNTL Munisipiu Kovalima hanesan aparelu estadu prontu atu garante seguransa bainhira Kompañia operadór Timor Recources hahu hala’o perfurasaun mina iha area juridiku Kovalima iha fulan ida ne'e nia laran.

“Liu husi enkontru ida ne'e ohin ita koalia mos kona ba situasaun seguransa ba iha perfurasaun nian ne'ebe ita garante hanesan aparelu estadu nian, lutu masaun nian ita garante nafatin katak Kovalima iha situasaun kontroladu,” Hateten Komandante PNTL Munisipiu Kovalima Superintendente, Antonio Maria de Sá ba jornalista sira hafoin remata enkontru ho komandante eskuadra 7 no unidade destakadu sira iha Munisipiu Kovalima, iha sala enkontru PNTL Munisipiu Kovalima Tersa (12/10).

Nia hatutan, Atividades preparasaun ba perfurasaun prontu atividade primeiru ba halo serimonia ritual hala'o husi lia nain sira hotu ona, agora hein deit halo lansamentu ba perfurasaun iha tempu badak nia laran tanba Komando PNTL munisipiu Covalima hetan informasaun katak iha loron 15-26 Outobru ne'e, data fiksu ona atu bele hala’o perfurasaun ne'e sei marka prezensa husi Orgaun Soberanu 4.

“Hanesan ita hotu hatene katak atividade perfurasaun ne'e pela primeiru ves depois de luta naruk ba iha independensia, hafoin de tinan 50 liu ba iha perfurasaun mina matan ida iha tasi ibun Suai Loro, ne'e pertensia luta istoria Timir nian pela primeiru ves halo perfurasaun ba Ita-nia riku soin mina iha Timor-Leste liliu iha area juridiku Kovalima nian,” Dehan Komandante Polisia Nasional Timor-Leste (PNTL) Munisipiu Kovalima, Superintendente Antonio Maria de Sá.

Komandante afirma, Situasaun ida ne'e rekere seguransa ida ne'ebe extra tanba ema hotu hatene pais ne'ebe riku ho mina sempre mosu ho tentasaun oi-oin tanba ne'e seguransa tenke rigor. Tan ne'e intensaun komando nian koloka unidade espesial ne'e la signifika minimiza unidade seluk nia serbisu maibe lae laiha intensaun. “Misaun unidade espesial liliu Batalaun Ordem Publiku (BOP) mai ho kilat boot para asegura pursentu 100 ba atividade ne'e, sira koloka ba iha ne'eba permanente hodi garante seguransa masimu ba perfurasaun refere,” Afirma nia.

Nia relata, Hakarak atu hato'o ba komandante sira hotu katak lina fronteira atu seguru ne'e hosi parte hotu tenke toma responsabilidade, parte hotu tenke halo ninia misaun tuir konstituisaun hatur. Area juridiku Kovalima hanesan baibain hau hatete beibeik katak ita munisipiu ida ne'ebe iha lina fronteira, fronteira ida ne'ebe kompostu hosi fronteira rai maran, tasi no kaloha tanba Munisipiu Kovalima munisipiu ida ne'ebe kompostu hosi fatin tolu hanesan fronteira rai maran, tasi no kalohan ne'e tenke rekere duni forsa ida iha konbisaun ida ne'ebe forte hodi asegura lina fronteira,” Esplika nia.

Nia haktuir, Iha Munisipiu Kovalima laos polisia deit mak serbisu iha ne'e maibé iha mos instituisaun Falintil Forsa Defesa Timor-Leste (F-FDTL) tanba ne'e komandado PNTL liu hosi komando munisipiu hatutan informasaun komando jeral PNTL nian enkoraza nafatin qtu ema.hotu serbisu ho profesional, serbisu hamutuk ho forsa sira tanba nasaun ninia forsa uniku mak PNTL ho F-FDTL laiha tan forsa seluk.

Kamandante PNTL Munisipiu Kovalima ne'e husu ba membru sira liliu ba komandante eskuadra sira labele fiar liu ba tendensia politik ka balu fo sai liu hosi midia sosial hodi koalia kona ba Unidade Patrulhamentu Fronteira dehan laiha kapasidade tan ne'e husu labele fiar.

“Hau hakarak hatete ba ita hotu iha ne'e liliu tendensia politik no komentariu balu iha midia sosial hatete katak ita nia polisiq UPF sira laiha kapaaidade maibe imi labele preokupa tempu ba iha ne'eba maibe ne'e hanesan buat ida dezamina ba lia fuan sira ne'e, mas ida ne'e hanesan lia fuan ida ne'ebe atu motiva ita para ita nia espritu kolaborativu serbisu maka'as uitoan, hanesan aparelu estadu laiha lia fuan ne'ebe mak atu minimiza ita, haneaan komandante Munisipiu hau sempre hato'o katak hanesan forsa nasaun nian prontu iha kualker oras para bele hala'o serbisu ba rai ida ne'e tanba responsabilidade ba rai ida ne'e laos iha forsa rua ne'e nia liman deit maibe iha Timor oan hotu nia liman (BT)