AINARO----Iha loron 12 Outubro 2021, Sekretáriu Estadu Péskas (SEP), Elídio de Araújo, kontinua sosializa kampaña Vasinasaun kontra Surtu COVID-19 ba komunidade sira, iha Aldeia Tukaro, Suku Nono-Moque, Postu Administrtivu Hatu-Builiko, Munisipiu Ainaro.

Objetivu husi sosializasaun kampaña ne'e, atu fahe informasaun kona-ba vasinasaunCovid-19,atu nune'e komunidade sira bele hakbesik aan ba sentru vasinasaun nune'e bele simu vasina no hasae imunidade ba ema ida-idak nian.

Iha biban ne’e, Sekretáriu Estadu Péskas (SEP), Elídio de Araújo, enkoraza nafatin ba komunidade sira iha Aldeia Tukaro atu partispa maximu iha vasinasaun hodi kontra surtu Covid-19, no vasinasaun ida ne’e hanesan alternativu prinsipal ida ba ita hotu hodi aumenta ita nia sistema imunidade inklui sistema resistensia isin lolonno kontra virus ka baketria ne’ebe atu invade iha ita nia isin.

Aleinde ne’e SEP mos husu ba komunidade sira iha aldeia refere iha mundo nasaun barak maka afeita ba moras Covid-19 hodi halokan ema nia vida no hamate mos sira nia roda ekonomia iha sira nia nasaun no inklui mos ita-nia nasaun RDTL.

Governante akresenta katak, Durante 10 diaz, desde inisiu ate data 12 Outubro 2021nia laran halo sosializasaun no enkoraza nafatin ba sidadun hotu-hotu atu koopera ho ita-nia pesoal saude ne’ebe servisu ba covid-19 no oinsa atu prevene covid-19 iha nasaun RDTLida ne’e no hodi bele fahe informasaun ne'ebé los no klaru, atu nune'e komunidade sira bele hakbesik aan ba sentru vasinasaun nune'e bele simu vasina hodi hasae imunidade ba ema ida-idak nian.

“Tamba moras covid-19 ho Variante delta ne’e afeta tebes ba ita nia roda ekonomia no labele fiar voatus sira, informasaun ne’be kredivel liu ba covid-19 mak Sentru CIGC, Ministerio Saude no Saude Mundial,” Katak KI.

Hafoin hetan esplikasaun husi SEP, komunidade sira entuziazmu tebes simu kedas vasina iha fatin sosializasaun Postu Hatu-Builiko no Governante nemos ho nia ekipa kontinua halao nafatin kampañasosializasaun iha aldeia tukaro, Suku Nono-Moque, Postu Administrativu Hatu-Builiko. Iha kampaña Sosializasaun Vasinasaun Covid-19 ne’e, iha aktividade ida ne’e hola parte mosmai husi PAM-Ainaro, PA Hatu-Builiko no Autoridade lokal Suku inklui pastisipante sira mai husi komunidade suku refere. (BT)