Moras ISPA Domina Iha Postu Saude OguesKOVALIMA----Responsavel Sentru saude Ogues, Carlos da Cunha Moniz, Hatete, Bazeia ba dadus iha Postu Administrativu Ogues, Munsipiu Covalima moras respiratoriu (ISPA) oras ne'e daudaun domina tanba tuir dadus ne’ebe sentru saude rejistu kada loron sae to'o 100.

“Ita iha sentru saude Ogues rejista moras ne'ebe domina liu mak ISPA, nia domina tanba impaktu klima, tama ba bailoron halo rai rahun suar maka'as hodi fo impaktu ba ema nia saude,” Hateten Responsavel Sentru Saude Ogues, Carlos da Cunha Moniz ba jornalista sira iha nia knar fatin Ogues, Tersa (12/10).

Nia dehan, Moras ida ne'e afeta liu ba ema boot liliu ba sira ne'ebe idade avansadu ona tanba iha sentru saude ne’e iha moras rua mak sempre sai maka’as. Nia husu ba komunidade tomak bainhira hetan moras ruma hanesan ISPA, isin manas no moras sira seluk labele hela deit iha uma maibe tenke lalais lori mai iha fasilidade saude hodi hala'o konsulta.

“Kada fulan numeru moras ISPA no moras diaria sempre sae maka'as sae to'o 100 kompara ho moras sira seluk bele, maske moras ISPA domina iha sentru saude refere maibe sei dauk halo ema ida mate,” Afirma nia. (BT)