KOVALIMA----Administradór Munisipiu Kovalima, Francisco Andrade, Hatete, Iha Tina ida ne'e nia laran sei hala'o lelaun ba motorizada hamutuk-62 no karreta-5 tanba sasan hirak ne’e ninia durasaun tempu no kilometrazen ne'e kleur tiha.

"Razaun ita halo lelaun ba motorizada ho karreta lima ne'e tanba ninia durasaun tempu no kilometrazen ne'e kleur tiha ona estimasaun ne'ebe iha, hanesan baibain kuandu to'o ona nia tempu tenke halo lelaun,” Hateten Adminiatrador Munisipiu Kovalima, Francisco Andrade ba jornalista sira iha nia knar fatin Administrasaun Munisipiu Kovalima, Kuarta (13/10).

Nia hatutan, Ba lelaun agora daudaun kona ba formulariu sira priense ona, depois de priense hotu formulariu sira ida-idak lori ba iha Díli nune’e atu selu tasa pursentu 10 ne'e iha nasionál liu hosi banku.

Nia dehan, Motor-60 resin ne'e mai husi Ministériu saúde, Ministeriu Agrikultura, Administrasaun Munisipiu Kovalima rasik inklui Postu Administrativu sira, maibé ba tinan ne’e husi Ministériu Edukasaun mak la tama tanba tarde ona.

Ni Afirma, Lelaun ida ne'e hala'o ba publiku tomak iha Munisipiu Kovalima, povu hotu bele asesu ba lelaun ida ne'e laos de’it ba funsionáriu publiku mesak maibe publiku hotu.

“Ita nia lelaun ida ne'e ba publiku povu hotu bele asesu ba lelaun ida ne'e tanba hau hanoin ida katak lelaun ne'e depende osan, ezemplu, balu mai tau osan ho montante dolar Amerikanu Atus rua ($200), balu mai fali dolar Amerikanu Atus Rua lima nulu ($250) ne’ebe ita fo mak ida $250, tanba ita mos atu rekopera orsamentu ba sosa motoriza foun,” Relata nia.

Nia Informa, Ba tinan ne’e sei halo lelaun ba karreta lima (5) de’it iha administrasaun Kareta hirak ne'e mai husi Administrasaun Postu Zumalai, Fatululik, Suai no karreta operational Munisipiu Kovalima nian rua. (BT)