DÍLI----Deputadu Fretelin, Mariano Fatubai Mota, Hatete, Servisu liña Eletrisidade no Bee-mos ohin loron sai preopkupadu tebes iha territoriu nasional mezmu tinan barak ona halo investimentu to’o VIII Governu harrii tan Emprezas Publikas Eletrisidade De Timor-Leste (EDTL) no Bee-mos Timor-Leste (BTL) maibe to’o agora ladiak nafatin.

“Primeiru ha’u liga nafatin eletrisidade (EDTL-E.P) no BTL-E.P ita hotu hatene katak politika oitavu governu hamosu EDTL para atu lori tornu ne’ebé di’ak liu ba estadu, maibé ita haree iha realidade kualidade eletrisidade no bee moos ate agora ne’e ladi’ak,” Hateten Deputadu Fretelin Mariano Fatubai Mota liu husi ninia intervensaun iha Paralamentu Nasionál (PN), Tersa (12/10).

Nia hatutan, Tinan barak ona estadu liu governu halo investimentu bo’ot ona ba eletrisidade no bee moos, agora mais pior liu ita hatene katak hari’i EDTL para atu kria kampu de traballu, agora situasaun ne’e kontrariu fali ona prejudika fali ema ne’ebé mak servisu iha ne’ebá tinan barak servisu iha ne’ebá tenki lakon nia servisu, ida ne’e mak sai preukupasaun tebes iha públiku.

Nia dehan, Tuir hatene kuandu EDTL-E.P ona ne ‘e ita haree katak traballador sira sa’e eletrisidade ri’in sira ne’e ita haree katak la iha seguru liu hanesan karina oan ne’ebé ita haree hanesan ema nia sira ne’e mós la iha etik, hodi sintu, eskada sira ne’e la iha ha’u haree lori risku tebes ba iha trabalador sira ida ne’e mak ha’u hanoin katak sai preukupasaun tebes. “Ha’u hakarak husu ba Ministerio Obras Publika (MOP) bele halo esplikasaun sobre estatuto empreza publiku nian iha ami-nia audensia iha Prezidente, iha Vise-Prezidente na’in rua ne’e nia salariu bo’ot teb-tebes liu orgaun soberanu hanesan xefe do estadu,” Katak nia.

Nia Relata, Agora hakarak husu orsamentu ne’e, estadu mak nafatin liu husi orsamentu estadu prevein ba sira nia salariu do vensimentu ka Emprezas Rua ne’e mak buka osan depois hatama retornu, hatama reseita ba estadu, restu ne’e sira halo Gere ba sira nia orsamentu ne’ebé mak hodi selu malu. “Ha’u hanoin katak estadu mak tau nafatin ne’e, ha’u konsidera katak ne’e, hasa’e esbanjamentu bo’ot teb-tebes kontrariu ho politika ne’ebé ita halo politika poupansa ne’e mak sai preukupasaun tebes, ami audensia durante ne’e públika kestiona ne’e mak hakarak hato’o ba Ministeriu Relevante,” Afirma nia.

Nia Haktuir, Agora iha pontu segundu ha’u liga ba liña Internet ita hatene katak presenza kompañia empreza telekominikasaun bo’ot tolu iha Timor-Leste fulan ida resin ona atu tama fulan rua, liña Internet ne’e la di’ak, iha semana kotuk ha’u konsidera hanesan korupsaun tanba sa 1 dolar kada konsumidores sira ne’ebé durante ense halo pakote, maibé rede la di’ak, tanba ida mak sai preukupasaun ha’u kesteona.

Enkuantu, Ajensia estadu ida hanesan ANC ne’ebé mak durante ne’e kontrola kualidade telekomunikasaun tolu ne’e, to’o fulan ida resin ona sira seidauk fó razaun tanba sa mak rede ou liña ne’e la iha ou atu garantia konsumidores sira ne’ebé mak durante ne’e lakon osan ese pulsa lor-loron maibé rede ne’e la di’ak.

“Ikus ne’e ha’u rona ona katak iha empreza telekomunikasaun Timor-Oan ne’ebé mak registu ona sira kompleta ona sira nia rekejitus, maibé até adata governu seidauk sertifika sira, sira hein sertifikadu para sira mós hakarak kompete kompañia internasinál bo’ot tolu ne’ebá mak liga ba liña telkomunikasaun ne’e duni, ida mak sai preukupasaun ha’u nian,” Relata nia. (BT)