DÍLI----Magnefiku Reitor Universidade Nasionál Timor Lorosa’e (UNTL) João Martins, Hatete, Asina nota Intendimentu entre Organizasaun Mundial Saúde (OMS) ho UNTL kona ba apoiu fasilidades ba ensinu aprendijazen Fakuldade Saude nian.

“Universidade Nasionál Timor Lorosa’e hamutuk ho World Health Organization (WHO) asina akordu ka nota intendimentu entre Organizasaun Mundial Saúde ho UNTL, mezmu ke akordu ne’e foin mak asina ohin, maibé servisu kolaborasaun entre UNTL ho OMS la’o kleur ona tanba WHO/OMS sempre apoiu UNTL iha situasaun barak tebes, apoiu fasilidade ensinu apredizazen hanesan Komputadores, LSD, livrus biblioteka liliu ba Fakuldade Ensinu Saúde nomós formasaun lubuk ida,” Hateten Magnefiku Reitor, João Martins ba jornalista iha salaun sala video konferensia UNTL Dili, Tersa (12/10).

Nia Hautan, Apoiu mós dezenvolvimentu kurikular tantu kursu Infermajen no Parteira no sira seluk tan, agradese tebes ba WHO bele kontinua nafatin suporta UNTL, servisu hamutuk tantu iha area ensinu no mós iha peskija.

Nia dehan, UNTL hoWHO apoiu projetu peskija sira liliu iha area kona ba “Fatoes riskus naun kontajioza” ne’ebé mak UNTL mak halo, maibé finansiadu ho apoiu materiais husi Ministeriu Saúde nomós WHO atu iha ne’ebá mak servisu bo’ot tebes tanba dadus ne’ebé mak rezulta peskija ne’e governu liu husi MS utiliza atu halo ami-nia planeamentu nomós ba servisu seluk area mais naun kontajiadu

“Agora mak foin preimeira vez halo asina nota entendimentu ho OMS, maibé servisu hamutuk ne’e laó kleur ona, kooperasaun formal ofisial ne’e foin mak halo ohin depois de asina MoU WHO-UNTL, akordu normamente ne’e sei to’o iha tinan lima no iha ajenda barak iha UNTL sei husu nafatin OMS nia apoiu atu bele servisu ba oin liu tan liliu iha area enisu nomós peskija,” Afirma nia.

Iha sorin seluk, Reprezentante World Health Organizatio(WHO) iha Timor-Leste Arving Mathur, Hatutan, Servisu hamutuk iha kooperasaun ne’e kleur tiha ona WHO halo ho UNTL, asinatura ne’e mak ohin ne’e, apoiu ba UNTL mak tekniku, dalaruma bele apoiu Finansial hanesan Orsamentu, Estabelese Laboratorium ba estudante sira nomós apoiu ba eskola Medisina, Emfermajen no Parteira.

“Servisu hamutuk iha kooperasaun ne’e kleur tiha ona WHO halo ho UNTL, maibé nia asinatura ne’e mak ohin ne’e, apoiu WHO fó ba UNTL mak tekniku, dalaruma bele apoiu finansial hanesan orsamentu no mós apoiu estabelese laboratorium ba estudante sira no mós apoiu ba eskola medisina, eskola emfermajen no parteira sira iha UNTL ne’e,” Hatutan Reprezentante WHO iha Timor-Leste, Arving Mathur.

Nia relata, MoU hanesan baze atu bele konkorda kona ba apoiu orsamentu saida mak bele apoiu ba UNTL, maibé orsamentu seidauk define, orsamentu la barak bele to’o $100 mill hanesan ne’e, tanba apoiu ida ne’e foin UNTL ho WHO. “MoU ida ne’e halo ne’e hanesan ne’e tinan lima nian suporta barak mak sei mosu mai hanesan apoiu ba peskija, liliu atu hadia Edukasaun Medisina UNTL nian ne’e ba tempu ne’ebé naruk sei kontinua nafatin,” Afirma nia. (BT)