DÍLI----Diretor Ezekutivu Forum ONG Timor leste (FONGTIL), Daniel Santos do Carmo, Hatete, Forum Organizasaun Naun Governamental Timor Leste (FONGTIL) Apresia tebes ho Premeadu Nobel ba Paz, Dr. Jose Ramos Horta ne’ebe hatudu servisu extra ordinariu promove produto primadona Timor-Leste nian iha Vaticano hanesan Santu Padre (Amu Papa Fransisco) bele hemu kafe Timor signifika produtu pozetivu ida ba Rai Timor Leste.

“Ita hotu-hotu hatene katak Premeadu Nobel Da Paz Dr. Jose Ramos Horta, lider ida famouzu no konesidu, entaun serbisu ida ne'ebe ita bolu extra ordinariu ne'ebe eis Prezidente Jose Manuel Ramos Horta halo hanesan promove ita-nia produtu kafé Timor iha nivel iternasional liliu iha vatikanu tanba produtu kafé ne'e, ita bolu dehan produtu primadona Timor-Leste nian, entaun kuandu eis Prezidente Jose Ramos Horta, nia halo promosaun iha rai liur ne'e buat ida ke sinal pozitivu ba ita-nia Rai,” Hateten Diretor Ezekutivu Forum ONG Timor leste (FONGTIL), Daniel Santos do Carmo, ba jornalista sira iha Salaun FONGTIL Caicoli, Segunda (11/10).

Nia hatutan, Bainhira Dr. Jose Ramos Horta lori Kafé Timor entrega ba ema ida hanesan Santu Padre (Amu Papa) bele hemu ita ninia kafe, signifika produtu pozetivu ida ba iha ita-nia Rai Timor no ita ninia relasaun diak ho parte hotu-hotu liuliu lider igreja nian iha Mundu. “Ita hotu-hotu hatene katak, Jose Ramos Horta lider ida famouzu no konesidu, entaun ne'e serbisu ida ne'ebé ita bolu extra ordinariu ne'ebé eis Prezidente Jose Ramos Horta halo hanesan promove ita ninia produtu iha nivel iternasional,” Dehan nia.

Nia dehan, Maske iha rai laran (Timor-Leste), sei iha difikuldade iha produsaun Kafé maibé ne'e responsabilidade Guvernu ninian, oinsa mak atu kontinua proteje ita nia produtu ida ne'e hodi sai konesidu hanesan iha Mundu. “Produtu iha Timor ninian ita hanesan Timoroan tanke apresia, ita orgullu tanba ne'e mak la iha duvida ser rezerve ba ita, orgullu tanba ne'e ita nia produtu kafé ne’ebé eis prezidente, Jose Ramos Horta, hotudu ona ba Mundu,” Afirma nia. (BT)