KOVALIMA----Administrador Munisipiu Kovalima, Francisco Andrade, Hatete, Relasiona ho Kompañia Resources atu halo perfurasaun Mina iha Postu Feto Kmaus Suai, Kompañia ka emprezariu lokal iha Kovalima seidauk involve iha projeitu perfurasaun tanba kolia kona ba perfurasaun Mina presija Kompañia ne'ebe tekniku tebes hafoin bele involve.

“Sim durante ne'e ami seidauk iha dadus ida, tanba durante halo nogosiasaun hanesan ohin esplika katak presija ema ne'ebe tekniku tebes hafoin atu involve kompañia ami oras ne'e sei dauk iha dadus ida ne'ebe klaru,” Hateten Administradór Munisipiu Kovalima, Francisco Andrade ba jornalista hafoin partisipa iha serimonia ritual ba hisik ekipamentu ba perfurasaun mina matan Feto kmaus Suai, Sabadu (09/10).

Nia dehan, Emprezariu lokal iha Kovalima seidauk iha dadus ida ne'ebe klaru, tanba durante ne'e mai direita hosi Timor Gap, Autoridade Nasional do Petroleu no Minerais (ANPM) no Timor Recources. Nia rekuinese katak Los duni seidauk involve kompañia lokal Kovalima oan iha perfurasaun ida ne'e tanba kona ba traballador atu involve iha projetu perfurasaun ida ne'e hanesan ema hotu hatene katak buat ida tekniku liu ne'ebe oras ne'e sei dauk kolia kona ba trabalador sira.

“Kona ba trabalador hanesan imi hotu hatene katak buat ida iha ne'e tekniku liu, ne'ebe oras ne'e daudaun ita sei dauk koalia kona ba trabaldor, maibe ba oin depois de hotu sei iha tempu ba trabaladór sira bele partisipa iha ne'e maibe tenke liu hosi treinamentu ida ne'ebe rigor tebes tanba buat hotu ne'ebe ohin ita kolia tama ba haree ne'e buat tekniku tebes,” Afirma nia.

Enkuantu, Country Manager Timor Recources, Filomino Andrade, Haktuir, Oras ne'e daudaun ema ne'ebe serbisu iha kompañia operador Timor Recources estranjeiru ema nain 76, total atu serbisu deit iha operasaun nia laran ne'e hamutuk ema 100 resin.

“Maibe oras ne'e daudaun sira husi estranjeiru mak barak liu, tanba iha ita nia rain sei dauk iha kapasidade, sei dauk iha esperiensia kona ba area tekniku nian, maibe sira laos hala'o deit atividades hirak ne'e, iha maluk sira balu mak to'o agora iha esperiensia iha tasi laran, sira balu iha ne'e hamutuk ho maluk sira iha ladun iha esperiensia ami fo treinamentu ne'e mak to'o agora prosesu ida hala'o hela,” Hakotu nia. (BT)