KOVALIMA----Xefe Brigada Manutensaun Traktor Munisipiu Kovalima, Tomas Amaral, Hatete, Trator iha Munisipiu Kovalima hamutuk unit-30, maibe oras ne'e daudaun iha trator 19 sei funsiona ho diak no Unit-11 avaria tiha ona.

“Ita iha Kovalima trator hamutuk 30, maibe oras ne'e daudaun hela deit 19 sei ativu hodi fila rai toos nain sira nian tanba iha 11 mak avaria,” Haateten Xefe Brigada Manutensaun Traktor Munisipiu Kovalima, Tomas Amaral, ba Business Timor iha nia knar fatin sentru Sanfuk, Sexta, (08/10).

Nia Hatutan, Iha Kovalima hamutuk trator-30 kobre ba iha postu 4 hanesan Postu Zumalai iha trator-4 sei ativu, Tilomar trator-4 maibe-3 diak ida a’at, depois iha Suku Beko Postu Suai nian-4 mak ativu tanba nia hanesan sentru ida hodi atende ba aldeia 11.

Nune’e, Mai fali iha postu Suai ho postu Maukatar ne'e iha sentru, Maucatar nian iha trator-3 sei ativu, Postu Suai ni’an iha-5 sei ativu, ne'ebe trator hamutuk loloos sei ativu ne'e iha 19 hodi atende toos nain sira, iha -11 mak avaria ka a’at ona.

Nia dehan, Trator-11 a’at ne'e iha 5 mak tama ona ba iha lelaun lista tama hotu ona, Unit-2 mak grave loos ona no unit-4 sei hadia. “Trator sira ne'ebe at ona ne'e hamutuk mekaniku sira identifika hotu ona hodi hato'o ba iha Ministeriu Agrikultura atu sira bele hatene tanba buat sistema tenderizasaun ne'ebe hosi Munisipiu laiha direitu atu hatene maibe proposta sempre hato'o,” Relata nia. (BT)