KOVALIMA----Diretòr Servisu Rejistu Notáriadu Munisípiu Kovalima (DSRNMK), António Sarmento, Hatete, Diresaun Serbisu Rejistu Notariadu Munisipiu Kovalima (DSRNMK) simu ona blanko sertidaun Republika Demokratika Timor-Leste (RDTL) orijinal hamutuk 1000 ne'ebe Diresaun Jeral Rejistu Notariadu (DJRN) hosi nasional haruka ona mai.

“Iha fulan Julhu no Augusto liu ami uza deit blanko provizoriu ka surat tahan mutin maibe foin lalais sira hosi Diresaun Jeral Rejistu Notariadu hosi nasional haruka ona mai blanko orijinal tanba limitasaun sira haruka deit blanko 1000,” Hateten Diretòr Servisu Rejistu Notáriado Munisípiu Kovalima, António Sarmento ba jornalista sira iha nia kna’ar fatin, Sexta (08/10)

Nia hatutan, Hahu iha fulan Jullu -Agusto ne’e Servisu Rejistu Notariadu Kovalima print provisório sertidaun RDTL ho surat tahan mutin tanba la iha blanco Orijinál maibé iha loron 2 fulan ne’e Diresaun Jeral Registu Notariadu haruka ona blanko sertidaun RDTL, sertidaun Casamento no sertidaun óbito orijinál hamutuk 1000 ho limitadu mai ona iha Kovalima.

“Sidadaun sira ne’ebè maka durante ami print sertidaun RDTL ho Surat tahan mutin sira sei uza nafatin bainhira sidadaun trata dokumento ho urjente mak ami print orijinál. Tanba blanko Sertidaun RDTL orijinál ho limitadu,” Dehan nia.

Nia haktuir, Iha fulan Setembru tinan ne’e, Servisu Registu Notário Munisípio Covalima halo atendementu ba sidadaun trata dokumento Sertidaun RDTL, Sertidaun Casamento no sertidaun óbito hamutuk 252 hosi número ne’e kuaze 100 maka sidadaun sira trata seritadaun RDTL orijinál maibé balun seidauk print sertidaun RDTL orijinál. (BT)