DíLI----Jestor ba programa parentidade no Nutrisaun, PLAN Internasionál Timor-Leste (PITL), Dirce Sarmento, Hatete, PITL Uza Rasik Nia Fundu Mill $50 Hodi Halo Kampaiña Advokasia Liberdade Online ba labarik feto husi informasaun

“Ami-nia area servisu iha munisipiu Aileu no Ainaru, entaun agora dadaun iha Aileu ho Ainaru alin feto balun sira foci pozisaun hanesan polisia, horseik iha Aileu hanesan komadante polisia Aileu nian no sira foti mos pozisaun hanesan sefi suku, Diretor saúde nian, programa kampañia advokasia liberdade online ba labarik feto husi informasaunida ne’e uza osan plan nian rasik ne’ebé global ami halo iha mundu tomak laos iha Timor deit ida ne’e uza osan plan nian rasik,Orsamentu mais ou menus hanesan mil $50,” Hateten Jestor ba programa parentidade no nutrisaun, Dirce Sarmento ba jornalista sira iha salaun KI kintal Bot Sesta (08/10).

Nia hatutan, Ida ne’e hanesan kampaiña global ne’ebé plan halo atu fo oportunidade ba labarik fetos sira atu lidera, ida ne’e mos hanesan kampaiña ida ami husu ba governu atu nune’e fo fatin espasu ba labarik sira atu sira bele aprende deside no lidera.

Niadehan, Plan nia programa ne’e iha Timor halo iha Aileu, Ainaru nomos iha Díli hanesan iha Díli foti hanesan ohin iha KI no iha lorn rua liu ba ba iha Embaixada Australia nune’e mos UN nian nomos orsida loraik ami ba iha UNICEF ida ne’e hanesan parte ida ne’ebé ami ba halo foci pozisaun ba selebra mundial labarik nian ne’ebé sei realiza iha dia 11 de Outubru.

“Husi Plan konsidera sujestaun ne’ebé ohin fo husi KI ida ne’e hanesan sujestaun diak ida mai ami, maibé hanesan enjeral ho englobal baut ne’ebé ami halo hanesan labarik feto sira toma nia pozisaun oras ida ka loron ida ne’e hanesan kampañia ida ne’ebé plan Timor-Leste halo iha global iha mundu tomak atu nune’e labarik sira bele aprende saida mak sai lideransa ne’e oinsa,” Dehan nia

Entaun husi Plan hanesan maneira ida fo oportunidade ba labarik feto sira atu nune’e iha oras balun no iha loron ida nia laran atu nune’e sira bele foti pozisaun atu nune’e sai aprendizajen ida ba sira wanhira sira iha mehi ida ne’e bele realiza. “Ida ne’e mos hanesan mensajen ida ba nia kolega feto sira seluk iha munisipiu Aileu, Ainaru nune’e mos iha Timor laran tomak katak, mehi ne’e bele realiza importante mak sira bele iha aprende labele tauk atu bele realiza sira nia mehi sira ne’e,” Relata nia

Enkuantu Iha Munisipiu asumi knaar Presidenti Konsellu Imprensa (CI) Claudia Ximenes, Hatutan, Asumi knaar hanesan Presidenti KI senti Moe wanhira hamriik iha imi hotu nia oin, maibé tan deit responsabilidade prontu atu hamriik no husu ita hotu hodi loke espasu.

“Asumi knaar hanesa presidenti KI ha’u senti moe wainhira hamriik iha imi hotu nia oin, maibé tan deit responsabilidade ha’u prontu atu hamriik husu ita hotu mai ita hamutuk hodi loke espasu , Wainhira agradese wain ba presidenti KI Verguilio Da Silva Guteres , ne’ebé fo ona oportunidade mai ha’u Claudia ximenes atu asumi knaar hanesan presidenti KI durante oras balun nia laran,” Haktuir Presidenti KI Claudia Ximenes.

Nia haktuir tan, Agradese mos ba Plan internasionál ne’ebé bele identifika ami-nia mentalidade hodi partisipa iha momentu kmanek ida ne’e. “Iha momentu ida ne’e ha’u senti katak sei tau fiar liu tan mai ha’u atu bele lidera disidi no moris buras, ha’u senti orguilu bot tebes wanhira asumi knaar nu’udar presidenti KI, ha’u senti kontenti wanhira partisipa iha atividade ne’e atu motva ha’u nia an rasik hodi partisipa iha ne’ebé deit atu bele hasae ha’u nia konesementu diak liu tan iha future mai,” Salienta nia.

Antes ida ne’e, hakarak rekomenda hela ba KI no membru KI inklui mos governu relevante sira hamoris garante biban no leet ba feto no mane hanesan liliu labarik feto sira atu asesu ba midia sosiál ne’ebé seguru husu ponografia sira ka informasaun falsu sira, husu mos garante no promove sidadaun sira nia diereitu no liberdade fundamental.

“Hakarak hatete mos, harii sosiedade ne’ebé hatur iha justisa sosial nia laran atu hakiak sidadaun sira nia moris ba isin no klamar tanba husi atividade distribuisaun livru hirak ne’e sai hanesan vantajen ne’ebé positivu no diak tebes atu bele hasae konesementu tomak iha midia no jornalista sira atu tau importansia ba livru hirak ne’e no atu hamoris nafatin papel servisu nain midia positivu nian husi informasaun falsu ka bosok sira, ha’u husu ita hotu husu jornalismu notisia falsu no informasaun falsu sira,” Informa nia.

Nune’e antes remata Presidenti KI, Claudia Ximenes, entrega livru ba representante estudante Komunikasaun husi UNTL, Unital Undil, Inklui mos representante Midia ida-idak (BT)