DÍLI----Ministru Presidensiál Konsellu Ministru (MPKM), Fidelis Manuel Leite Magalhães, Hatete, Governu liu husi reuniaun Konsellu Ministrus aprova ona proposta Orsamentu Jerál do Estadu (OJE) ba tinan 2022 ho montante Billaun $1. 675, ne’ebé apresenta husi Ministru Financas (MF) Rui Augusto Gomes.

“Konsellu ministru aprova projetu lei Orsamentu Jerál Do Estadu(OJE) Tinan 2022 apresenta husi Ministru financas, ho montante dolar amerikanu Billaun $1.675,” Hateten Ministru Presidensiál Konsellu Ministrus (MPKM), Fidelis Manuel Leite Magalhães hafoin remata Reauniaun Konsellu Ministru, iha sala PKM, Palasio Governu, Kuarta (06/10)

Porta-Voz Hatutan, Orsamentu Jerál Estadu (OJE) ho montante billaun $1.675 ne’e kompostu husi Orsamentu Administrasaun Sentrál, Orsamentu Rejiaun Administrasaun Espesiál Oe-Cusse Ambeno (RAEOA) no Orsamentu Seguransa Sosiál nian.

Fidelis Relata, VIII Governu Konstituisionál define ona Prioridade Nasionál neen(6) ba OJE tinan 2022, Dezenvolvimento Kapital Umanu (edukasaun Formasaun Profisionál no Saúde), Abitasaun no inkluzaun social, Setór Prudutiva sira (Agrikultura no Turizmu), Ambiente no Konektividade, Dezenvolvimentu Setór Privadu, Dezenvolvimentu Rurál no Governasaun di’ak. (BT)