DÍLI----Ministériu Edukasaun Juventude no Desportu (MEJD), Liu husi Diretor Geral Edukasaun no Ensino Munisípiu Dili, Duarte Bragansa, Hatete, Jeralmente ba profesor/a sira iha Eskola Timorense iha Munisípiu Dili hahu husi Pre-Eskolar to’o Ensino Sekundária 87,1% mak simu ona vasina no sira ne’ebé mak sidauk simu vasina 12,99%.

“Durante tempu barak, ami hahu halo serbisu ida ne’e, halo atualizasaun dadus vasinasaun husi profesor/a sira no mós ba iha funsionariu sira, liu-liu ba Eskola sira hahu husi Ensino Pre-Eskolar to’o Ensinu Sekundária Jeral no Tekniku Vokasionál,” Hateten Diretor Geral Edukasaun no Ensino Munisípiu Dili, Duarte Bragansa, iha Escola Básica Centrál 30 de Agusto, Kuarta (06/10).

Nia hatutan, Iha Munisípiu Dili, Husi nivél Pre-Eskolar to’o Ensinu Sekundária ho total Eskola 200, Profesor hamutuk 3.782, Sira ne’ebé simu ona vasina doze-dahuluk 128 no mestre sira ne’ebé simu ona doze-daruak 3.291. Profesor sira ne’ebé simu ona vasina doze dahuluk no sira ne’ebé kompleta ona doze daruak, hamutuk 3.419 por volta 87,1%.

Nia dehan, Profesor sira ne’ebé mak sidauk simu vasina 363 por volta de 12,99%, ne’e kompostu husi mestre sira ne’ebé la iha justifikasaun hamutuk 252, sira ne’ebé moras 83 no sira ne’ebé gravida 28, ida ne’e hatudu katak profesor 363 de’it mak sidauk simu vasina.

Agora Eskola pre-eskolar iha Munisípiu Dili hamutuk 61 no profesor hamutuk 335, profesor sira ne’ebé foin simu vasina primeiru-doze na’ain 10, sira ne’ebé simu ona segundu doze hamutuk 302, total 312, ida ne’e atinje ona 93.13%. Ba sira ne’ebé mak sidauk simu vasina no laiha justifikasaun hamutuk 23 ho 6,87%.

“Ba Ensino báziku iha Munisípiu Dili hamutuk 106 ho total profesor 2.200, Mestre sira ne’ebé simu ona vasina doze dahuluk ho total 92, sira ne’ebé kompleta ona doze-daruak 1.864. Total primeiru no segundu doze 1.956 ne’ebé atinje ona 88,9%. Injustifikada, signifika sira ne’ebé la koi vasina hamutuk 190, sira ne’ebé moras 48 no gravida 6, hamutuk 244 por volta 11,1%,” salienta nia.

Nune’e, Ensinu Sekudária Geral Munisípiu Dili iha Eskola 24, ho total profesor 854, sira ne’ebé mak simu ona Vasina hamutuk 798, ne’ebé atinji 93,44%. Mestre ne’ebé foin simu vasina doze-dahuluk 24, no sira ne’ebé kompleta ona segundu doze hamutuk 774. Sidauk simu vasina, (injustifikada) hamutuk 11 profesores, sira ne’ebé moras 29, sira ne’ebé gravida 16, total sira ne’ebé sidauk simu vasina 56 por volta 6,56%.

Alende, Ensino Tekniku Vokasionál, Eskola 9, Profesor hamutuk 393. Profesor sira ne’ebé mak simu ona vasina 353 ne’ebé atinji ona 89,82%. Na’in 2 mak foin simu vasina doze dahuluk no sira ne’ebé kompleta ona vasina doze daruak 351. Profesor sira ne’ebé mak sidauk simu vasina hamutuk 40 por volta 10,18%, Injustifikada, signifika la koi simu vasina hamutruk 28, sira ne’ebé moras hamutuk 6 no gravida 6.

Nia Informa, Ba Eskola Internasionál sira iha Munisípiu Dili, ita identifika iha 11 Eskola, Profesor hamutuk 372, sira ne’ebé simu ona vasina doze dahuluk 73 no sira ne’ebé kompleta ona vasina doze-daruak 295, total hamutuk 368 por volta 87,1%. Injustifikada 1, moras 2 no gravida 1, total sidauk vasina hamutuk 4 por volta 12,99%.

“Husi dadus ne’ebé hatudu katak, Aula prezensial bele reativa ona, no eskola barak prosesu aprendizajen la’o semana rua ona, ohin husi MEJD ofisialmente abertura ba reativa aula prezensial iha Munisípiu Dili, iha Eskola Bázika Central 30 Agusto Dili,” informa nia. (BT)