DÍLI----Prezidenti Movimentu Unidade Dezenvolvimentu Avansadu (MUDA) Flavianos Pereira Lopes, Hatete, Nasaun Timor-Leste atu dezenvolvidu ba avansadu presija Implementa Demokrasia Edukativa liuhusi lisaun Edukativu oin ha’at.

“Organizasaun Movimentu Unidade Dezenvolvimentu Avansadu (MUDA) haklaken ho hametin konfiansa ba maluk Timoroan hotu bele rezolve problemas oin-oin ne’ebé mai kedas husi hun mai to’o ohin loron, presija hatene no uza lisaun Edukativu oin ha’at, tanba ne’e bele harmoniza sistema moris liu husi trilojia Edukasaun, nasaun Timor-Leste bele dezenvolvidu ba avansadu presija Implementa Demokrasia Edukativa,” Hateten Prezidenti MUDA Flavianos Pereira Lopes ba jornalista sira liu husi pres Konferensia iha Tasi-Tolu Dili, Kuarta (06/10).

Nia hatutan, Lisaun Edukativu oin ha’at hanesan, dahuluk, direitu sidadania RDTL ema kada fulan simu subsidiu minimu $200 dolar, lahanesan ema dehan katak, labele fó han povu hanesan animal, prinsipiu fundamental organizasaun MUDA komunidade iha timor-leste iha direitu hetan rikusoin RDTL nian. Funsiona total komunidade RDTL ho idade produtivu hanesan servisu nain no transforma hanesan povu produtivu no negosiante hodi bele salva guarda estabilidade ekonómia nasaun RDTL.

Daruak, Direitu Labarik baze apoiu durante tinan tolu resin iha ai-laran tanba saida mak la rekoinese, bazeia ba rezultadu edukasaun formal ne’ebé mak konsege remata iha Livru Istoria hakerak dehan, kriteria Organizasoens Nsasoen Unidas nian katak, iha kriteriu oin ha’at mak ne’e, povu, rai, organizasaun no lei regulamentu.

Datoluk, Labele impede netik kompania ne’ebé laran di’ak ka iha vontade ajuda povu no ha’at respeita, dingnifika, rekoñese no valorize fó koordenasaun ba MDLN iha tinan 1979-1982 Padre nain-2, lider Politiku nain-3 ho joven ida tinan 16, sira halo ona programa barak hodi mai to’o ohin loron, sira nain ha’at ne’e konsege hari’I matadalan ba dezenvolvimentu libertasaun MDLN hetan legalizasaun husi ONU.

Nune’e Dahat ka ikus, Problema atu rezolve ida mak ita koalia kona ba Povu hetan subsidiu hanesan, tanba to’o ohin loron Povu terus empregu dominante iha Timor-Leste, servisu la iha Joventude barak mak tenki sai ba estranjeiru hanesan, Inglantera, Irlandia, Australia, Kanada no seluk tan, tanba buka servisu la hetan.
“Se de’it mak Ukun Rai ne’e ninia Responsabilidade tenki atende Povu nia moris no nesesidade, unika solusaun organizasaun MUDA foti dalan ida katak, halo ba osan kada ema ida simu dolar $200 dolar, tanba iha tinan 2000 UNAMET-UNTAET husu katak povu ne’e kda uma kain tenki simu osan, maibé lider sira dehan labele,” Dehan nia.

Nia dehan, Iha konseptu Organizasaun MUDA ita sei la naran tu’ur ba fó de’it osan, tenki halo aktividade, oinsa eduka povu TL ba sai produtivu hodi bele halo netik Paulito, atu nune’e paulitu lalika mai husi rai seluk, bele halo netik ai-sate , tanba ita nia au barak los, duke ai mós mai husi rai seluk, oinsa signifikasaun kona ba ukun rasik aan.

Nia sublina, Pozisaun organizasaun MUDA hakuak ema hotu iha timor-leste no mundu, MUDA nia luta fó valorizasaun ba komunidade Timoro’an ho komunidade mundu tomak, uniku solusaun haburas no habokur termus Direitus Umanus, katak husi ida-idak nia nasaun ho totalidade primeira faze minimu osan $200 dolar. (BT)