DÍLI----Bankada Kmanek Haburas Unidade Nasionál Timor Oan (KHUNTO), António Verdial de Sousa, Informa, Governu iha possibilidades bele tau konsiderasaun atu bele hari ka konstroe sentru saúde ida konsentra iha suku Grotu, atu nune’e bele fó atendementu ba populasaun Suku tolu ne’ebé sai vizinho ho Suku Grotu iha Munisipiu Manufahi.

“Iha fim de semana wainhira ha’u hakat ba iha rai Manufahi hola fatin iha Suku Grotu, ha’u hetan informasaun ne’ebé tatoli direita husi populasaun iha áreas, saúde, Obras Poblicas, EDTL/Eletricidade no bee mos no ohin loron ha’u fukus ba érea saúde, iha fatin hirak ne’e bele iha facilidades ne’ebé kompletu, nune’e populasaun fatin ha’at ne’ebé ha’u temi bele sente facilidades saúde besik ba sira atu nune’e populasaun no komunidades ho kondisaun moras labele liu horas tolu (3) laran atu hatan ba prekupasaun sira ne’ebe ha’u hetan iha terenu, karik iha possibilidades bele tau konsiderasau atu bele hari ka konstroe sentro saúde ida konsentra iha suku Grotu, atu nune’e bele fó atendementu ba populasaun Suku tolu ne’ebé sai vizinho ho Suku Grotu,” Hateten Deputadu KHUNTO, António Verdial de Sousa liuhusi Intervensaun iha Plenaria Periodu orden Do Dia, PN, Segunda (20/09).

Nia hatutan, Rekezitus hodi hari ka konstroe Sentru Saúde foun ba Suku ha’at (4), ho total $8. 982, liu ona husi rekezitus ne’ebé husi Ministériu Saúde Estabelese. Nune’e, Geografiaa ha’u ba iha Suku Grotu besik malu ho Suku Daisua Antigu, Suku Rotutu no Suku Leo Lima antigu. Demografia Suku a’at (4), ne’ebé ha’u temi Suku Grotu ho populasaun hamutuk ho total 2.347; Suku Daisua Antigu ho Populasaun hamutuk ho tatal 1. 866; Suku Rotutu ho Pupolasaun hamutuk ho total 2.121; Suku Leolima antigu ho Pupolasaun ho tatal 2. 648; Total Populasaun husi Suku a’at (4) 8.648, Pupolasaun ho Numeru iha leten hare mós ba distansiamentu no geografia presija tebes Governu nia atensaun ho seriadade.

Nia dehan, Iha ne’e ha’u liga ba KRDTL artigu no. 57 ne’ebé hakerek klaru katak lori facilidades saúde no programa saúde ne’ebé digno ba povo ne’ebé hela iha áreas remotas, muitu remotas e muito mais extremamente remotas, també nia implikasaun husi artigu no 57 mos hakerek momos katak ema moras todan no kaman labele la’o ain horas rua ho destansia ho kilometru rua.

Maibé iha realidade hatudu katak iha Suku ha’at (4) ne’ebé ha’u temi durante ukunán populsaun husi Suku ha’at (4) ne’e sofre ba artigu no 57 KRTDL. “Ho nune’e Bankada Kmanek Haburas Unidade Nasionál Timor Oan (KHUNTO) rekomenda ba meja Parlamentu, Espesialmente ba VIII Governu Konstitusional hodi tau kestaun ne’e sério ba iha planu Orsamentu Geral do Estadu (OGE) tinan fiscal 2022,” Rekomenda nia. (BT)