DÍLI----Xefi Suku Wailili, Ernananio De Jesus Araujo Ribeiro, Hatete, Hanesan Autoridade lokal Suku Wailili, Postu Administrativa Baukau, Munisipiu Baukau senti orgullu tebes, tanba Ministeriu Turizmu Komersiu no Industria (MTCI) bele hili ona area tolu iha Suku Wailili sai fatin Turizmu Komunitariu.

“Ami senti orgullu tebes, tanba liu husi Ministriu Turizmu Komersiu No Industria bele hili suku wailili husi area Waisarake, Lakulo no Leulale sai ba turizmu komunitariu, liliu ami-nia komunidade sira senti kontenti, tanba ami fatin ne’e fatin ida potensiu liu iha area bara-barak iha turizmu relijiozu mós, iha kulturais mós, iha area restensia mós iha,” Hateten Xefi Suku Wailili Hernananio De Jesus Araujo Ribeiro ba Jornalista BT iha Salaun Turizmu Farol, Sexta (17/09)

Nia hatutan, Bainhira atu hala’o aktividade ne’e senti orgullu bo’ot tebes, liliu partisipa husi joven sira, hodi ida ne’e aban atu asina MoU ho MTCI hodi halo servisu ne’e, antes ida ne’e Suku Wailili organiza ona komunidade hotu partisipa grupu nia laran atu oinsa atu halo servisu.

“Wainhira atu hala’o ida ne’e ami senti orgullu bo’ot tebes liliu ami partisipa ho joven hotu ohin ami mai iha ne’e aban atu halo asina akordu oinsa atu halo servisu, antes ida ne’e ami organiza ona ami-nia komunidade sira hotu partisipa iha grupu nia laran atu oinsa atu hala’o servisu, hein katak programa ida ne’e sira nian la’os ema seluk nian hatudu ba fatin seluk hodi atrai sira mai iha fatin sira ne’e, ida ne’e mak hanoin iha programa ida ne’e atu halo,” Dehan nia.

Nia dehan, Hanesan prezidenti konsultutivi no mós hanesan xefi suku iha garante, tanba servisu ida ne’e ita hala’o iha fulan ida ho balun de’it, maibé ami-nia fatin ida ne’ebé atu halo primeiru faze ninia fatin no ezistensia no hala’o de’it ida ne’e no lakleur fulan ida ho balun bele atinji la’os atu sai di’ak liu maibé 50% bele hetan.

Nia relata, Fatin ne’ebé atu sai hanesan pilotu Turizmu komunitariu mak tanki waisarake no lakulo ho tan leulale, aktividade agora iha ne’ebá komunidade sira agora iha esperensia no balun sira hala’o tiha ona ne’e mak hanesan Xinaira no Newlale. “Mezmu sira hala’o ho sira nia kriatividade ho fundus ida ne’ebé ki’ik, maibé bele atrai ema barak ba iha fatin ne’ebá no oras ne’e dadaun sira mós hetan benefisiu, la’os hetan benefisiu ne’ebé ke bo’ot maibé pelu menus hetan ona benefisiu oitoan, kompara ho fatin seluk ne’ebé ita seidauk hala’o,” Salienta nia. (BT)