DÍLI----Porta Voz Kandidatura Traballador Timor-Leste ba Korea, Filipe Hau Kotorze, Hatete, Reprezentante Joventude ne’ebé mak durante tuir ona lian Korea no tuir ezame iha sistema EPS, tinan 2019-2020 pasa ona sai hanesan Kanditadatu Traballadores Timor-Leste atu ba servisu iha Korea do Sul maibe to’o agora seidauk ba hela deit. Nune’e, husu ba Membru Governu competes sira artu oinsa atu aselera lalais prosesu deslokasaun ba servisu iha Nasaun Korea Do Sul.

“Ami joventude ne’ebé mak durante ne’e tuir lian korea no tuir ona exame iha sistema EPS lian korea nian, iha tinan 2019-2020, ne’ebé pasa ona sai hanesan Kandidatu Traballadores Timor-Leste nian ne’ebé atu ba servisu iha besik tinan rua ona, tan ida ne’e ami hotu husu PM ho Membru Governu hotu liliu hanesan SEFOPE, MNEK, MTK, no MS atu aselera ami-nia prosesu hodi desloka ami ba lalais iha korea do sul hodi servisu,” Hateten Porta voz Kandidatu Traballador Timor-Leste, Filipe Hau Kotorze ba jornalista sira iha Sentru Kursu lian Korea Bekora Dili, Kuarta (15/09).

Nia hatutan, Tuir Direktor Jeral SEFOPE ne’ebé fó sai iha media GMNTV no TVE iha fulan rua liu ba ba katak, Kandidatu Traballador Timor-Leste nian molok to’o iha fulan dezembru sei desloka hotu ona ba korea do sul maibé realidade seidauk hatudu iha data serteja ida atu desloka.

Nia dehan, Direktor Jeral SEFOPE mó hatete katak traballador Timor-Leste ne’ebé mak atu aranka ba Nasaun Korea tenki tuir rekejitus balun ne’ebé mak Governu Korea haruka mai hanesan, Teste Swab no karantina durante 14 iha fatin izolamentu molok dezloka ba korea do sul maibe hein desizoens ate a data seidauk anunsio informasaun ruma.

“Ami kandidatu traballadores Korea prontu atu halo tuir halo rekezitus hirak ne’ebé hotu, ne’e duni ami kandidatu traballdor Korea husu ba Governu Korea husu ba Governu Timor-Leste atu aselera ami-nia prosesu ho lalais, liliu SEFOPE ho ninia estrutura hotu atu servisu maka’as hodi alkansa Objektivu ne’ebé mak ami hakarak,” Hateten nia.

Nia relata, Informasaun ne’ebé traballador sira hetan husi SEFOPE katak Governu Timor-Leste Desklosaun husi Governu do Sul, maibé traballador hein besik fulan tolu seidauk iha informasaun ruma husi Governu no tanba saida mak traballador husi nasaun seluk tama ona korea sul hodi servisu ona, maibé nasaun Timor-Leste seidauk iha informasaun ruma.

“Iha mós informasaun ne’ebé mak ami hetan husi SEFOPE katak Governu TL sei hein dezlokasaun husi Governu Korea Do Sul, maibé ami traballador hein besik fulan tolu ona, maibé seidauk iha informasaun ruma ne’ebé mak SEFOPE fó mai ami, tanba saida mak traballadores husi nasaun seluk tama ona korea do sul hodi servisu ona, maibé Timor-Leste la iha informasaun ruma atu hodi haruka nia traballador sira ba Korea Do Sul hodi servisu,” Preokupa nia.

Nia Haktuir, Nasaun sira ne’ebé mak tama ona ba Korea do Sul hodi servisu mak hanesan nasaun Thailand, Filipina, Vietnam, Kambodia no Nasaun sira seluk ba Korea do sul hodi servisu, tanba ema nia Governu esforsu maka’as hodi haruka ninia ema traballador sira ba servisu. “Ami hare’e ba nasaun seluk ne’ebé mak haruka ninia traballador sira ba servisu korea do sul ami hanesan kandidatu traballador timoro’an laran triste tebes, tanba saida mak ita-nia governu la halo prosesu ba kandidatu traballador hodi servisu iha korea hanesan nasaun sira seluk,” Salienta nia. (BT)