DÍLI----Diretor Sinar Mas Insurance,S.A, Irwan wiyanto, Hatete, Kompañia Sinar Mas Insurance,S.A selu direitu asuransi rihun $10 ba funsionariu East Timor Trading (ETT) ne’ebé mak hetan asidente mate fatin tanba durante Kompañia East Timor Trading sai hanesan kliente ba Sinar Mas Insurance,S.A iha tinan naruk nia laran, nune’e ninia funsionariu ida hetan asidente Kompañia Sinar Mas Insurance,S.A iha responsabilidade atu selu sira.

“Ha’u atu esplika kona-ba atividade primeiru ne’e kona-ba asidente ida ne’e ami kobre ba ema nia a’an no ohin kliente ida ne’ebé mak hetan apoiu mak East Timor Trading ne’ebé mak durante tinan hirak nia laran sai hanesan ami-nia kliente tuan ona no nia staff kona asidente iha tinan ida nia laran, iha fulan Maiu hetan asidente depois mate fatin, tanba ne’e husi Kompañia Sinar Mas Insurance,S.A iha responsabilidade atu selu sira-nia kliente ho osan montante rihun $10,” Hateten Diretór Kompania Sinar Mas Insurance,S.A, Irwan Wiyanto ba jornalista BT iha salaun Sinar Mas Insurance,S.A-Díli, Tersa (14/09).

Nia Hatutan, Husi Sinar Mas Insurance,S.A nia responsabilidade atu selu, maibé ami selu klinte tuir fasilidade ne’ebé mak ami husu, depois fasilidade ne’ebé mak sira hato'o mai Sinar Mas Insurance,S.A prosesu hela to'o ohin loron mak Sinar Mas Insurance,S.A bele apoiu sira nia staff ne’ebé mak hetan asidente no mate fatin.

Nune’e staff ida ne’e halao servisu hela mak hetan dezastre, tanba husi kompañia East Timor Trading mak klaim mai Sinar Mas Insurance,S.A.

Portantu, kona-ba insendiu nian ba loja Sahabat nian ne’e akontesimentu iha tinan 2020 iha 13 de Marsu hetan inudasaun, husi Sinar Mas Insurance,S.A prosesu kleur tanba sistema mos ami hein sira-nia Diretor entaun prosesu kleur dokumentus husi sira entaun ohin mak selu sira-nia pagamentu ne’e kona-ba sira nia sasan produtu ne’e naran propeinsurance.

“Kona-ba loja Sahabat ne’e ami selu lolos iha barak $40 mill maibé tuir ami-nia poleskydul iha diretiva ne’ebé mak tuir ami-nia sistema, entaun ami selu $17 mill no sira seluk hetan asidenti ne’e ho montante ne’ebé kiik hotu,” Dehan Irwan

Iha sorin seluk, Accountant East Timor Trading, Mohamad Siraj Junaindeen, Agradese ba Kompañia Sinar Mas Insurance,S.A ne’ebé fo apoiu ona ba funsionariu East Timor Trading.

“Uluk nanain hakarak hato obrigadu barak no agradese ba Sinar Mas Insurance,S.A ne’ebé mak fo ona oportunidade atu prosesu ami-nia Insuransia no insuransia ne’e atu fo ba Staff ne’ebé mak mate iha fulan liuba ne’ebé hetan asidente ne’ebé mak ami la espera, tanba antes ba servisu depois hetan asidente ne’ebé insuransi ne’e kompania East Timor Trading foti liu husi Sinar Mas Insurance,S.A ne’e atu fo ajuda ba familia hodi halo netik buat ruma ba nia familia ho nia oan sira,” Dehan nia.

Nia esplika, Osan ne’ebé mak East Timor Trading simu husi Kompañia Sinar Mas Insurance,S.A hamutuk $10 Mill, osan ne’e sei prosesa atu fo lalais ba iha vitima iha tempu badak nia laran atu fo direita ba familia matebian nian.

“Tanba durante ne’e husi kompania East Timor Trading seidauk hetan asidenti maibé foin dadauk ne’e mak staff ida hetan asidente ne’e ba primeira vez nian liliu ba maun Renato nian,” Relata nia. (BT)