DíLI----Ministra Saúde (MS) Odete Maria Freitas Belo, Hatete, Ohin loron estudante no inan-aman halerik ba eskola tanba situasaun pandemia global mak ezije ita taka. Nune’e, Ministeriu Saude (MS) husu ba eskola sira bele loke hahú aula prezensial maibe tenke kumpri nafatin regras prokolu husi MS no Organizasaun Mundial Saude (OMS) ne’ebe mak preve ona atu oinsa evita kauza moras ne’e ba komunidade sira.

Mezmu ohin loron numeru kazu iha Timor-Leste sei nafatin aumenta maibe hare ba ezijensia ema hotu nian, Governu deside hakotu Konfinamentu Obrigatoriu iha territoriu liliu iha Kapital Dili atu oinsa normaliza aktividades hotu maibe ho haraik aan husu nafatin uza kumpri nafatin regras prokolu husi MS no OMS.

“Husu estudante sira hakarak atu eskola favor ida lao tuir protokolu ne’e para saúde diak deit, kazu ne’e labele aas, ita loke eskola ne’e la iha problema,” Hateten Ministra Saude, Odete Maria Freitas Belo ba jornalista sira iha Salaun Palasiu da Cinza Kaikoli Díli, Segunda (13/09).

Nia hatutan, Bainhiran hahú aula prezensial Ministeriu Saude hakarak hare saida mak estudante halo iha, poezemplu, Ministeriu sira hakarak hare alin estudante sira uza masker iha eskola, tur dodok malu iha eskola. Nune’e, Ministeriu Saude hakarak hare alin estudante sira bainhira fila husi eskola tenke kumpri nafatin regras protokolu MS no OMS nian tanba dala barak alin estudante sira kuandu sai husi eskola sira la hatene ona atu uza masker, kaer liman fila ba uma pasiar iha Dili laran ida ne’e labele.

“Se estudante sira hakarak eskola favor ida lao tuir protokolu ne’ebé mak atu nune’e moras ne’e nia bele sae maibé estudante sira kontinua bele ba eskola maibé se estudante sira lakohi lao tuir liliu ba ita univaersidade sira ne’e bot ona hatene oinsa atu halo prevensaun,” Katak Ministra Saude, Odete Maria Freitas Belo.

Agora se kazu iha fulan kotuk liu ba ita loke tiha eskola depois iha eskola ida kazu positivu 50 alunus ne’e ita labele halo buat ida hakarak ka lakohi tenki taka eskola tanba ita lakohi mate, ita moris mak ita eskola maibé ita ho kondisaun ladiak ita labele eskola, tanba ne’e, Ministeriu Saude hakarak atu husu nafatin se Ministeriu Edukasaun Joventude no Desportu (MEJD) no Ministeriu Ensinu Superior Siensia no Kultura (MESSK), prepra estudante sira atu loke fali eskola favor lao tuir protokolu MS nian la difisil, iha eskola iha dalan ba too uma atu asegura katak estudante ne’e seguru.

“Se lae eskola loke semana ida deit depois kazu ne’e aumenta taka fali, ita hanesan halimar, imi dehan ami mak halimar lae, imi mak halimar ho moras ida ne’e, kuandu kazu sae eskola taka, tanba ami la halimar ho ida ne’e,”Relta Ministra Saude Odete. (BT)