DÍLI----Bazeia ba Dili Central Timor Plaza hasai programa Shop and Win Monthly Draw ba ema hotu hola sasan iha Timor Plaza, hetan kupon dada rifa, Feto Forten ida, Lucia N. R. Guamão, dada rifa konsege hetan primeiru lugar, hetan motor Miu Yamaha Ida. Manan Na’in Sorteiu, Lucia N. R. Guamão, Sente kontente tebes tanba hetan gratuita Motor Yamaha ida bainhira dada sorteiu iha Timor plaza.

“Hau hetan motor ne’e, sente kontente tebes tanba ha’u mos planu atu sosa motor iha loron aban maibé hein ema ne’e lalori mai. Entaun ida ne’e ha’u hetan gratuita husi Timor plaza tanba bazeia husi dada sorteiu ne’e,” Hateten mana-na’in, Lucia N. R. Guamão ba Jornalista sira iha Timor Plaza Dili, Domingu (12/09)

Nia dehan, Agradese ba maromak tanba maromak sempre akompaina no tulun ba durante hola telefone rua iha Timor Plaza hamutuk gastus osan $800 dolar amerika konsege hetan kupon dala rua hamutuk 78 kupon to’o ikus sai manan na’in ba sorteiu.

“Maromak ne’e bo’ot no tulun duni ha’u, durante ne’e ha’u sosa telemovel rua, ida ba ha’u no ida ba oan feto, total osan gastu husi telemovel rua ne’ebé sosa ona hamutuk dolar atus ualu ($800.00), Kupong ne’e primeiru hetan 39 no segundu hetan 39, hamutuk 78 kupong no ikus sai manan na’in ba primieru lugar, ha’u sente agradese tebes…Obrigadu…obrigadu…obrigadu.,” Katak nia.

Antes ne’e, mos iha planu atu sosa motor maibé ohin haree informasaun iha faceboock, sira hateten, ohin loron dada rifa ba torneiu ne’ebé loke iha Timor Plaza mak ha’u mos mai iha ne’e bazeia ba kupong ne’ebé hetan tiha ona. Nune’e, Sente kontente loos, horik uluk kedas Timor Plaza sempre loke torneiu sira hanesan ne’e hodi fó oportunidade ba Timoroan hotu atu buka sorte.

“Obrigadu barak ba Timor plaza tanba iha hanoin ida ne’ebe diak atu tulun komprador no traballador sira hotu no ida ne’e mos kontibui ba ita tanba hatudu no halo buat diak ba rai Timor,” Salient nia.

Portantu, Mana-na’in sira husi torneiu refere maka, primeiru lugar, Lucia N. R. Gusmão mana’an motor Yamaha ida. Segundu lugar husi ema na’in tolu mak, Domingos V. De J. Barros, Lenor de R. Castulo no Ja Ji OH. Sira na’in tolu, ema ida hetan telemover Samsung A02. No terseiru lugar, kompostu husi ema na’in tolu hanesan, Domingos Ornai, Johan Royke no Filomeno dos Santos. Sira na’in tolu, ema ida hetan dolara atus ida ($100.00).

Iha torneiu ne’e ema barak mak sosa kupong hodi dada sorte maibé iha oportunidade ba ema na’in hitu de’it.Bainhira dada sorte la’os na’in ba kupong ne’e mak ba dada maibé fó ba labarik sira, taka matan ho selendra ki’ik ida hafoin dada sorteiu. (BT)