DÍLI----Ministru Asuntu Parlamentares no Komunisaun Sosiál (MAPKOMS), Fransisco Martins da Costa Pereira Jerónimo, Hatete, MAPKOMS ho ANC introdus lisensiamentu frekunasia ba radiu komunidade sira tanba Autoridade Nasionál Komunikasaun (ANC-sigla portugés) nu’udar autoridade ne’ebé atribui lisensa frekuensia ba operadores radiu no televiasun atu fasilita rekerementu ba lisensa foun nomos renovasaun.

“Worshop ida ne’e kona ba lisensiamentu Frekuensia ba Radiu Komunidade sira, atu halao no hadia fila fali hodi fo informasaun ba ita-nia radiu komunidade sira atu nune’e sira bele akompaiña prosesu sira ne’ebé mak lao dadauk atu nune’e bainhira sira husu lisensiamentu ba sira nia antena liliu sira-nia transmisaun frekuensia entaun sira hatene ona prosesu sira ne’e hotu,” Hateten Ministru Asuntu Parlamentares no Komunisaun Sosiál (MAPKOMS), Fransisco Martins da Costa Pereira Jerónimo, ba jornalista sira iha salaun Hotel Timor Díli, Kinta (12/08).

Nia hatutan, Loz duni iha tempu kotuk ba ita-nia radiu komunidade sira oras ne’e barak mak iha frekuensia ona maibé balun frekuensia laos frekuensia agora mak atribui ne’e lae, maibé balun atribui desde tempu indonésia ninian.

Entaun ita presiza halo renovasaun atu nune’e bele lao tuir regra ne’ebé mak estadu Timor-Leste ninia ida ne’e mak ohin sira mai iha ne’e atu hetan seminariu ida ne’e informa nomos halo diskusdaun didiak liu tan para atu nune’e bainhira kuandu sira husu atribuisaun lisensa sira la presiza halai bah alai mai maibé sira hatene ona katak fasil ba sira atu prense deit nune’e sira bele hatama no saida mak sira presiza ita fo tiha ona entaun sira kompleta deit regra sira ne’e lori mai it abele halo lais nune’e sira hetan autorizasaun.

“Politika mak ha’u dehan tiha ona katak tanba ita tama ona iha diversifikasaun, entaun ita diversifika laos parte ida deit maibé parte hotu-hotu halo diversifikasaun atu nune’e bele adapta ho situsaun real ne’ebé mak iha,” Dehan nia.

Nia esplika, Tanba ne’e mak parte ida oinsa mak iha tempu liu ba buat sira ne’ebé mak sedauk iha, iota hamosu para atu nune’e bele fasilita ita nia radiu komunidade sira atu hetan lisensa, tanba ema atu loke radiu ne’e laos tur-tur loke ne’e la iha, maibé tenki iha prosesu laran depois nune’e mos adapta ho situsaun real. Entaun ida ne’e mak mekaniszmu ne’e atu fasilita deit para lalai lalika kleur liu, ita hakarak demokrasia ne’e hamenus tiha para atu nune’e bele fasilita servisu lalais, informa ba sira atu sira bele prepara mai kompleta deit ona.

“Ita agora presiza radiu fuzaun iha atu nune’e regulariza frekuensia hotu-hotu, maibé regra lei radiu fuzaun ne’e laos kompetensia Ministeriu nian no laos kompetensia governu nian maibé kompetensia Parlamentu Nasionál nian no prepara ona oras ne’e iha sira nia liman ami hein katak Parlamentu Nasionál bele aselera atu bele fasilita,” Afirma nia.
Maibé governu bele ajuda Parlamentu Nasionál hodi halo prosesu ne’e tanba oras ne’e iha ona parlamentu nasionál, vantajen husi lei ne’e rasik atu hadia tanba ita atu tama ba diversifikasaun ita hakarak atu fasilita buat hotu atu nune’e buat ne’e lao lalais no lalika hein kleur ne’e mak vantajen katak saida mak ita presiza atu regula ne’e ita regula hotu ona ba atu nune’e lalika fo fali intrepretasaun ne’ebé mak presiza halo intrepretasaun depois difikulta fali prosesu.

“Ha’u atu dehan deit ita koalia kona ba lei ne’e atu regula nomos fo oportunidade ba parte hotu liliu ba midia atu bele ezerse nia funasaun ho lolos ida ne’e mak ita koalia ne’ebé lei ne’e hanesan ne’e maibé la iha lei ida atu hamate fali midia sira ne’e lae maibé halo atu regula depois buat hotu-hotu espresa livremente maibé labele haluan lifuan ikus mak ne’e responsabilidade,” Tenik nia

Iha Sorin seluk, Presidenti Autoridade Nasionál Komunikasaun (ANC-sigla portugé), João Olívio Freitas, Hatutan tan, Seminariu ida ne’e importante tebes tanba ita bele koalia mos ita nia papel kompetensia sira ba iha jestores radiu komunidade sira ne’ebé mak mai husi munisipiu sira, tanba ANC iha parte ida besik liu mos ba iha espesialmente lisensiamentu espektru radiu frekuensia tanba radiu komunidade sira atu halo transmisaun informasaun sira tenki utiliza espktru radiu frekuensia ne’e.

“Entaun ita aproveita biban ida ne’e atu nune’e ita bele koalia klaru no bele tau iha posisaun ida ne’ebé klaru nune’e radiu komunidade sira bele intende didiak hodi bele fasilita diak liu tan prosesu lisensiamentu espktru ne’e rasik atu nune’e ital abele hamosu prosesu hodi difikulta fali ita -nia komunidade sira,” dehan nia.

Nia informa, Emprinsipiu kuaze radiu sira total iha Timor laran, balun iha lisensa no balun agora proseu ne’e iha hela finalizasaun no maiora mak hetan sertifikadu. Entretantu, Jestor Radiu Komunidade Tokodede ho frekuensia 92.3 FM, Eduardu Espostu, Haktuir tan mos, Worshop ida ohin ne’e senti kontente teb-tebes tanba durante ne’e midia barak liliu ba radiu komunidade nomos radiu balun ne’ebé ejiste ita nia nasaun Timor-Leste barak ladun asesu informasaun oinsa atu hetan rekejitus ruma liliu ba oinsa atu hetan legalidade ba frekuensia nian durante ne’e radiu barak sedauk asesu.

Maibé ba radiu kounidade sira kuaze iha teritoriu timor laran tomak liliu ba estasaun sira ne’e agora dadauk eziste ona ba nia lisensa frekuensia nian ho ida ne’e mak ami senti kontente tanba ami bele hetan informasaun foun balun oinsa nia prosesu kontinuasaun tanba ohinita hatene ona katak hetan legalidade ba frekuensia. Maibé oinsa ho nia programasaun sira ida ne’e rasik sedauk iha lei ruma atu regula ba ida ne’e sedauk, entaun ho ida ne’e mak ami senti katak ho informasaun ida ne’e sufisiente ba ami radiu komunidade sira oinsa atu apar informasaun ruma liliu mekanismu husi ANC.

“Radiu komunidade tokodede itabele dehan nia inisiu harii husi tinan 2001 ate agora ita foin hetan legalidade ba lisensa frekuensia iha tinan 2018 tooa agora ita foin halo renovasaun fali iha tinan 2021 iha fulan Janeiru ne’ebé oras ne’e dadauk ita nia lisensa frekuensia moris hela ita kontinua halo servisu hanesan babain hanesan radiu komunidade kada munisipiu rasik no radiu tokodede oras ne’e dadauk ita utiliza ho frekuensia 92.3 FM,” Afirma nia. (BT)