DÍLI----Presidenti Camara de Comercio e Industria de Timor-Leste (CCI-TL) Óscar Lima, Hatete, Ohin Camara Comersiu Industria Timor-Leste hamutuk ho governu Hala’o Workshop ida kona-ba sosializasaun BNCTL ba promosaun produtu finanseiru no kreditu suave negosiu sosial atu oinsa hakbiit liutan kapasidade empreza kiik, mediu sira tanba hanesan emprezariu hakarak ka lakohi tenki sai amigo ho banku no tenki sai parseiru diak ho banku, kuandu kapasidade finanseira la too tenki halai ba banku duke halai ba kreditu partikular ne’ebé jurus ne’e bot teb-tebes ho jurus 10% por mes, balun 15% por mes.

“Ita hanesan emprezariu hakarak ka lakohi ita tenki sai amigu ho banku, ita tenki sai parseiru ho banku no parseiru neebe mak diak, ita kuandu hatete ita ba deve banku laos dehan ita devedor importante ita iha servisu, kuandu ita servisu ita ba deve banku ho responsabilidade, tanba antes ita hotu iha naran ida devedor ne’e ha’u mos perna devedor tanba ne’e hakarak ka lakohi emprezariu ne’e kuandu nia kapasidade finanseira la too ona nia tenki halai ba banku,” Hatete Presidenti CCI-TL Óscar Lima, liu husi nia diskursu iha salaun MAP Komoro Díli, Kuarta (11/08).

Nia hatutan, Kona-ba sosializasaun BNCTL ba promosaun produtu finanseiru no kreditu suave negosiu sosial atu oinsa hakbiit liutan kapasidade empreza kiik, mediu sira tanba hanesan emprezariu hakarak ka lakohi tenki sai amigo ho banku no tenki sai parseiru diak ho banku tanba so dalan banku mak bele, duke ita halai ba kreditu partikular ne’ebé jurus ne’e bot teb-tebes balu 10% por mes, balu 15% por mes no as vez tan deit ba presiza sira tenki halo.

“Ha’u halo pergunta ida se 15% ne’e 180% por anu ne’e ita koalia lolos, ita la konsege ne’e todan teb-tebes, se ezemplu 10% por mes ne’e 120% por anu ne’ebé todan teb-tebes, entaun ita ne’e nia obrigasaun hanesan emprezariu ita hotu-hotu ita tenki parseiru diak ho banku laos BNCTL de’it, bele ho banku Mandiri, banku BNU nomos BRI, tanba sira hotu-hotu mesak ita-nia membru hotu,” Relata nia.

Maibé ita hanoin mak ida ne’e de’it importante mak ita tenki buka kumpri obrigasoens ne’ebé mak sira haruka, ita kuandu ba iha ne’eba ita husu ona ita tenki iha responsabilidade oinsa ita bele selu fila fali tanba atu sai deve ka la deve ne’e normal, kuandu ema nia osan kapital boot ona, nia kuandu halo atividade boot liu ona kapasidade emprezariu se de’it nia tenki halai ba banku. (BT)