DÍLI----Prezidenti Komisaun Funsaun Públika (KFP) Faustino Cardoso Gomes, Hatete, Relasiona ho Governu dekreta Estadu Emerjensia no konfinamentu obrigatoriu funsionariu balun hahú husi fulan Janeiru to’o fulan Jullu tinan ne’e, Komisaun Funsaun Públika (KFP) simu keixa ba funsionariu sira hamutuki 91, ne’ebé mak komete maiória prátika ireguralaridade funsionál, infrasoens no abandona servisu, ne’ebé maka óras ne’e dau-daun prosesu ona.

“Tinan ida ne'e hahú husi Fulan Janeiru mai to'o Fulan Jullu 2021, KFP simu keixa ba prosesu hala'o hamutuk-91,” Hateten, Prezidenti Komisaun Funsaun Publika (KFP) Faustino Cardoso Gomes, Hafoin remata enkontru ho Primeiru Ministru ba Jornalista sira iha residensia PM Taur Farol, Tersa-Feira, (10/08).

Presidente dehan, Kazu sira ne'ebé mak tama maiória prátika iregularidade funsionál, infrasoens funsionais no abandona servisu tanbá ida ne’e Komisaun Funsaun Públika mós prepara hela atu avansa ba iha prosesu teste ba iha promosaun, tanbá Komisaun Funsaun Públika simu ona rezolusaun Governu, kona-bá vagas ba iha promosaun ba tinan ida ne'e nian.

Nune’e, óras ne'e dau-daun prosesu selesaun Por Méritu, ba Kargu Diresaun Xefia iha Ministériu sira balun, Ministériu Petroleum no Minarais (MPM) nian, no Ministériu sira seluk prosesu la'o hela. “Vagas ne'e iha porsentu 10 Por kada Grau, ba tinan ida ne'e, iha funsionariu sira hamutuk 8000 resin, ne'ebé mak kandidatu atu avansa ba promosaun husi 8000 resin ne'e porsentu 10 ba kada Grau mak seí hetan promosaun ne'ebé hahú vigora la'o hetan efeitu orsamentu iha Fulan Janeiru tinan 2022,” Esplika nia.

Tinan 2020 funsionáriu kuaze hamutuk 393 kazus, husi 323 kazus prosesadus ne'e 226 kazus konkluidus, involve funsionáriu sira hamutuk 5000 resin tanbá kazu ida involve ema funsionáriu na'in ida, husi 5000 resin ne'e 4000 resin mak hetan ona pena.

Prosesu rekrutamentu tenki hetan aprovasaun husi Primeiru Ministru, bainhira iha proposta ba rekrutamentu Komisaun Funsaun Publika bele loke servisu hamutuk iha prosesu ida ne'e, banhira hetan ona aprovasaun husi Primeiru Ministru, Ministériu ida ne'ebé mak hakarak halo rekrutamentu tenki asegura katak, iha kabiamentu orsamentu.

“La'os kestaun mak orsamentu, orsamentu iha no laiha la'os mai ho suratahan husi Ministériu, maibé tenki haree iha livru 2 ba Orsamentu Jerál Estadu, ne'e tenki temi duni, no deklarasaun husi UPMA, bainhira iha Komisaun aprova servisu hamutuk hodi avansa ba rekrutamentu,” Informa nia. (BT)