DÍLI----Vise Primeira Ministra (VPM) no Ministra Solidariedade Sosial no Inkluzaun (MSSI), Armanda Berta do Santos, Informa, Objetivu mai vizita armajen Serviço Autonomo De Medicamentos E Equipamentos De Saúde (SAMES) oinsa bele observa Stok ne’ebé mak iha armajen ne’e rasik nomos kona-ba administrasaun SAMES ne’e rasik atu nune’e nafatin asegura kondisoens aimoruk maibe iha observasaun ne’e hetan difikuldade rua ne’ebe mak importante maibé ida ne’e kompetensia iha Ministeriu Saúde nian.

“Objetivu mai vizita armajen SAMES para ita atu bele hare Stok ne’ebé mak iha armajen ne’e rasik nomos kona-ba administrasaun SAMES ne’e rasik, espesiku ne’e ba aimoruk enjeral nomos aimoruk vasina nian ita hare hotu, ita atu hare tan ba aimoruk vasina nian ne’ebé mak durante ita simu husi doadores sira ne’ebé mak ita fornese ba ita-nia populasaun sira tomak, Tanba ida ne’e mak ita hakat mai para atu bele hare direita liliu kona-ba stok armajenamentu nomos kona-ba administrasaun ninian,” Hatete Vise primeiro Ministro (V-PM) no Ministra Solidariedade Sosial no Inkluzaun (MSSI), Armanda Berta do Santos, ba jornalista sira iha SAMES Ai-Tarak Laran, Díli, Kinta (22/07).

Governante ne’e hatutan, Tuir observasaun ne’e ita hare armajen sira ne’e diak hotu, maibé ita presiza mos fatin importante para atu bele asegura aimoruk sira ne’ebé mak seguru, aimoruk sira ne’ebé mak fornese hodi bele halo distribuisaun ba regional sira nian. “Ita hare kondisaun sira ne’e diak disponivel para atu bele asegura ba aimoruk sira ne’e, no depende husi planu Ministeriu nian no depois ho SAMES nian rasik para atu hare ba tempu naruk nian ida ne’e importante.

Governante Esplika, Ida hotu difikuldade iha parte balun maibé presiza mosita tau konsiderasaun ba iha SAMES maibé ida ne’e kompetensia iha Ministeriu Saúde nian depois buat hotu ne’e lori ba iha Konsellu Minisitru ita deside ida ne’ebé mak ita presiza duni para bele asegura ba ita-nia povu iha Timor loran tomak ida ne’e importante.

“Ita hare liliu ba zelera malirin ne’ebé mak ita agora dadaun ita hare hela ba vasina, entaun ida ne’e importante para oinsa hare nomos ita bele dehan katak orsamentu ne’ebé mak iha aprova mos para atu bele hare zelera malirin ida ne’e lao hela para oinsa ministeriu saúde bele hare ba iha vasina,” dehan Armanda.

Iha Sorin seluk, Diretor ezekutivu Interinu Serviço Autonomo de Medicamentos e Equipamentos de Saúde (SAMES) Fransisco Borges, Hatutan tan, Agradese tebes ba vizita supreza husi V-PM ne’ebé mak halo vizita mai iha SAMES hodi hare rasik no rona rasik situsaun saida mak dadauk ne’e akontese iha SAMES espesifiku liu hare kona ba oinsa mak SAMES ninia preparasaun hodi halo distribuisaun ba iha vasina sira hodi prevene husi pandemia covid-19 ida ne’e mak intesaun ida ohin ninian.

“Ha’u hanoin ami iha SAMES aprezenta kona ba SAMES nia preparasaun, nune’e mos difikuldade ho buat ruma ne’ebé mak durante ne’e SAMES infrenta hodi halao nia servisu, dauluk mak kona ba rekursu ba SAMES ninia rasik atu bele hetan rekursu sira ne’ebé mak liuliu tekniku profisional sira atu bele halo servisu diak liu tan, Segundu mak kona ba servisu apoiu liuliu kona ba ekipamentu sira atu bele suporta servisu ema ninia ita koalia kona-ba forklis sira ne’ebé mak ita uza tula sasan sira atu halo armament iha ita nia armajen laran, ita koalia mos kona ba oinsa mak atu bele reforsa tan hodi hametin liu tan servisu SAMES nian laos deit iha iha sentral maibé too iha regional liliu kona ba vasina ninia ita propoin para depois iha tempu badak ne’e ita bele kria ona kondisaun,” dehan nia

Nia relata, Tanba governu atu sosa tan vasina Pfizer ne’ebé mak tama mai, Pfizer ne’e tama nia rekerementu ne’e tenki iha zelera ultra-malirin, entaun neste momentu ita timor sedauk iha, entaun ita husu para depois atu bele iha preparasun no SAMES halo kedan esforsu hodi komunika ho ita-nia parseiru sira liliu iha UNICEF atu bele iha tempu badak ne’e ita bele sosa tan ona zelera ultra malirin hamutuk-8, rua sei mai tau iha armajen sentral Dili, no 6 seluk ita sei tau iha armajen rejional sira ne’ebé mak SAMES iha Ainaru ho Baukau.

Alende ne’e, “Ita mos husu para depois atu bele hare kona ba forenesmentu enegia eletrisidade ba ita armajen rejional sira, da-uluk kona ba instalasaun eletresidade fidal alternativa ba ejiste ne’ebé mak iha, ita hanoin atu bele instala mos ho zerador se nukazu mak ita iha ita-nia ahi mate ita bele iha zelador ne’ebé bele funsiona, entaun ida ne’e servisu urzente ne’ebé mak presiza tenki halo lalais tanba wanhira kondisoens sira ne’e prense ona rekezitu tomak mak foin ita bele lori vasina ne’e mai, wanhira sasan sira la prontu ita labele tanba malirin teb-tebes, Kona ba rekursu ami propoin ona para bele iha treinamentu kona ba oinsa mak atu halo instalasaun identifikasaun ba problema nomos manutensaun ba iha zelera malirin ne’ebé mak sei mai,” Informa nia. (BT)