DÍLI----Diretora Servisu Saúde Munispiu Díli (SSMD) Agustinha Segurado, Informa katak, Ohin SSMD halo abertura ba Kampaiña Vasinasaun Faze Daruak Iha Suku Bairo Pite, Postu Administrativu Dom Aleixo, Musnipiu Díli atu oinsa populasaun sira iha suku no postu refere bele asesu informasaun kredivel kona ba vasinasaun.

“Antes ita hakat ba vasina objetivu ida ohin ne’e ita hakarak halo abertura ida ba kampañia vasinasaun iha musnipiu Díli, liliu iha postu administrative Dom Aleixu Suku Bairo Pite katak tenki iha dilogu ida entre ita bot sira ho ami rasik atu bele ajuda ita nia maluk sira ne’ebé mak sedauk partisipa iha vasina no atu hakat ba vasina karik ita bot sira iha duvidas ruma,” hateten Diretora Servisu Saúde Munispiu Díli (DSSMD) Agustinha Segurado, liu husi nia intervensaun iha sede suku Bairo-Pite, Díli, Kuarta (21/07).

Nia hatutan, Ita ohin mai kompletu ekipa dialogu makina meza ne’e hamutuk ho ita bot sira husu no hatan bainhira hakat ba vasina selae haruka ita boot sira ba vasina la komprende buat ruma fila ba husu no esplika ema atu mai ne’e duvidas uitoan.

“Tanba ne’e mak ita hakarak dialogu ne’e ita iha vasina modelu rua ne’ebé mak depois ita bot sira husu mak komprende ona foti desizaun katak ha’u hakarak vasina no ha’u hakarak ha’u nia familia vasina, ha’u hakarak ha’u nia vizinu vasina la problema ami prontu atu atende maibé ho objetivu ne’e tenki hanoin katak iha dialogu ida,” dehan Agustinha.

Iha sorin seluk, Sekretariu Adjuntu Munisipiu Díli, Antonio Calu, Hatutan tan, Ita ohin hahú ita nia atividade foun ida ita bele dehan atividade foun ida ba segunda faze nian, entaun oportunidade ida ne’e ita hetan apoiu husi ita nia membru governu sira atu mai hamutuk ho ita hodi hasae ita nia progresu vasinasaun iha postu dom aleixu ita hahú ohin abertura iha suku bairo pite oinsa atu konvense hakbesik ba ita nia komunidade sira atu mai simu vasina.

“Atu nune’e ita bele livre ona hanesan nasaun seluk ne’ebé mak ohin loron livre lao no asesu ba fatin hotu-hotu ha’u hodi presidenti autoridade munisipiu nia naran hakarak hatoo agradesementu ba Vise FM ho nia ekipa tomak ne’ebé mak prontu suporta ami autoridade komunitaria, ami autoridade lokal atu lao hamutuk hakbesik tama uma sai uma hodi bolu ita nia inan-aman sira atu mai simu vasina,” Relata Antonio (BT)