DÍLI----Embaixador Estadus Unidus Amerika iha Timor-Leste (EUA-TL), Kevin BlackStone, Informa, Governu Estadus Unidus Amerika oferese Orsamentu dollar rihun rua ($2 mill) ba Programa Joven Vetérinária iha Timor-Leste atu oinsa tau matan no kotinua hakiak Animal iha uma.

“Ba Programa Vetérinária ida ne’e ami oferese Orsamentu montante $2 mill dolar Amerikanu ba programa ida ne’e, ha’u ohin hau hatete katak ema oitoan de’it, Vetérinária oitoan de’it mak iha Timor atu tau matan ba animal sira inklui animal sira hakiak iha uma,” Hateten Embaixador Amerika iha Timor-Leste, Kevin BlackStone iha Metiaut-Dili, Sexta (16/07).

Nia hatutan, Programa Joven iha Vetérinária ida ne’e embaixada nia fundu Partisipasaun Sivika ne’ebé anualmente oferese ba organizasaun sanulu to’o sanulu resin rua ne’ebé hatama no hato’o sira nia ideia ne’ebé ke di’ak no invativu ba programa diferensia iha sira nia aktividade.

“Programa ida ne’e parte ida husi ami nia fundu partisipasaun sivika ne’ebé anualmente ami oferese ba organizasaun sanulu to’o sanulu resin rua ne’ebé hatama hato’o sira nia ideia ne’ebé ke di’ak no inovativu ba programa sira ne’ebé diferente iha sira nia aktividade, tanba ne’e mak, apoiu nomós hare’e katak agrikultor mak pilar importante ida ba nasaun ne’e nian ekonómia, entaun Embaixada Amerika hakarak apoiu professional sira iha area ida ne’e nian atu sira dezenvolve a’an di’ak liu tan,” Esplika nia.

Nia haktuir, Embaixada Amerika seidauk hatene di’ak liu espesifiku kona-ba grupu ida ne’e, maibé sei apoiu nafatin no iha fundus seluk ne’ebé bo’ot liu, fundu ki’ik embaixador nian ne’ebé sei oferese $20 mill dolar amerikanu ba sira ne’ebé mak sei hato’o sira nia proposta. “Ha’u seidauk hatene di’ak liu espesifiku kona-ba grupu ida ne’e, maibé ami sei apoiu nafatin no mós ami iha fundus seluk ne’ebé bo’ot liu fundu ki’ik embaixador nian ne’ebé ami oferese $20 mill dolar Amerikanu ba sira ne’ebé mak sei hato’o sira nia proposta,” Informa nia. (BT)