DÍLI----Koordenador Jeral, Joven iha Veterinaria (JOVET) Abrão Ferreira, Hatete, Relasiona ho orsamentu ne’ebe mak hetan tulun husi Governu Estadus Unidus Amerika (EUA), JOVET sei organiza no kria treinamentu hodi prepara joventude sira atu oinsa aumenta kapasidade ba hakiak animal tanba JOVET tenta to’ok oinsa mak dezenvolve iha konsolida skill sira ne’ebé mak ohin loron iha merkadu traballu ne’e presiza.

“Programa ida ne’e treninamentu ida ne’ebé mak JOVET Oraganiza hodi prepara sira di’ak liu ba servisu, JOVET ne’e grupu joventude ida ne’ebé mak mai hamutuk iha oraganizasaun ida, instituisaun joventude ne’ebé mak forma ate agora ita iha membru 100 pesoas ne’ebé mak hola inisiativu ida ne’e no inisiativu ida ne’e foka liu ba iha oinsa mak ita kria oportunidade ba joven sira ne’ebé mak gradua ona husi Universidade,” hatete Koordenador Jeral Ba Joven Abrão Ferreira ba jornalista sira iha Jelriani Restaurant, Metiaut-Dili, Sexta (16/07).

Nia hatutan, Partikularmente iha faze foka liuba sira ne’ebé mak remata iha Area Saúde Animal nian, ita-nia intensaun ne’e atu kria oportunidade ba sira atu prende organizasaun dezenvolve sira nia esperiensia iha ne’e no konsilida skill sira ne’ebé mak aprende iha universidade atu halo servisu iha kampu. “Kuandu sira remata joven sira ne’e iha difikuldade atu tama iha kampu traballu, bareira bo’ot ida ne’e tanba falta esperiensia servisu, bu’at ida esperiensia servisu ne’e la aprende iha eskola, entaun ita hanoin hari’i ida ne’e hanesan dezefiu ida tenta kria oprtunidade ida ba sira atu mai iha ne’e aprende,” dehan nia.

Nia dehan, Halo servisu iha tempu ne’ebé hanesan atu kriente no dezenvolve sira nia esperiensia kuandu iha kampu servisu sira hanesan maduru ona atu ba halo servisu. “Atualmente iha, tanba ita foin lao aktividade ida ne’e embaixada amerika mak totalmente suporta atu lao programa ida ne’e, ba futuru ita hare’e Ministeriu Agrikultura nomós Ministeriu sira seluk ne’ebé mak halo servisu ba joventude ne’e hanesan parseiru importante atu kolabora, tanba JOVET fiar iha esforsu kolaborativu ida, tanba ita bele habo’ot ita-nia impaktu ba servisu ne’ebé mak ita halo iha unidade,” dehan nia.

Nia haktuir, Iha treinamentu ida ne’e ita tenta atu kobre material luan ita sei koalia oitoan kona-ba SERVEY, tanba ida ne’e la’os iha area saude animal de’it, iha area sira seluk sempre halao ida ne’e, entaun ita tenta to’ok oinsa mak dezenvolve iha konsolida skill sira ne’ebé mak ohin loron iha merkadu traballu ne’e presiza.

Nia relata, Tenta atu haforsa sira nia Skill kona-ba oinsa mak halo survey, depois mak iha material espesifiku ida ne’ebé mak aban sei lao mak kona-ba oinsa mak atu halo atendimentu veterinaria iha kampu, tanba ida ne’e mos importante liliu ba sira ne’ebé mak foin remata sira nia estudu iha universidade.

“Formasaun ida ne’e ita loke oportunidade ba ema hotu no ema liu 70 ital mak aplika, maibé tanba iha limitasaun ba ita-nia rekursu sira ne’e hotu, entaun ita limita ema nain-16 mak sei tuir treinamentu ida ne’e, mais ba futuru ita hanoin atu loke tan liliu ba sira ne’ebé mak espresa sira nia vontade atu tuir treinamentu ida ne’e,” Subliña nia. (BT)