DILI----Sekretaria Estadu Kooperativa(SEKoop) Elizario Ferreira klarifika kona ba Rumoris Presu Karosa ne’ebé la’o iha Media Sosial no hatete de’it Promove Kooperativa ba ema konese kooperativa iha Timor-Leste ne’e tinan 20 ona kooperativa ida asume kna’ar, labele tan de’it folin karosa-25 ho orsamentu Montente $37.50 halo foer naran kooperativa.

“Ida ne’e atu klarifika de’it kona ba rumoris sira ne’ebé lao iha Media Sosial kona ba folin presu karosa $1.500, atu hatete katak atu promove kooperativa ba ema konese Kooperativa iha Timor ne’e tinan 20 ona, entaun kooperativista ida asume kna’ar, labele tan de’it folin karosa 25 hamutuk $37.50 milloens halo foer naran kooperativa nian, se tan de’it $37 mill atu halo naran kooperativa foer ne’e ema dehan ha’u ne’e “ Geger Miring Lansun Gila (GEMILANG)”, Hateten SEKoop Elizariu Ferreira liu husi komunikandu Imprensa iha Salaun SEKoop Akait Dili, Segunda (05/07).

Nia hatutan, Kuandu atu hatene ida ne’e presu sira ne’e prosesu ba karosa nian, kuandu sei iha liur SEKoop moris ho ema kooperativa nian, hahu moris ho ema negosiante ki’ik sira, tanba SEKoop hatene negosiante ambulante nia problema hahu husi 2008 to’o 2019 ne’e negosiante sira halo negosiu iha dalan ninin ne’e la hakmatek.

“Kuandu atu hatene ida ne’e presu sira ne’e prosesu ba karosa nian, kuandu sei iha liur ha’u moris ho ema kooperativismu nian, ha’u moris ho ema negosiante ki’ik sira, ha’u hatene sira nia problema, hahu 2008 to’o 2019 ne’e negosiante sira halo negosiu iha dalan ninin ne’e la hakmatek, tanba de’it atu duni lor-loron no lokarik, ami simu lamentasaun sira ne’e hanesan dirijente kooperativa nian, tanba ami nia membru Kooperativa barak ne’e negosiante,” dehan nia.

Nia dehan, Tanba ne’e SEKoop simu pose iha loron 24 juñu hanoin katak solusaun ida ba negosiante ambulante sira ne’e prioridade, tanba ida ne’e loron 21 juñu 2020 ami konvoka reuniaun ida iha salaun konferensia federasaun hanai malu nian, reuniaun sira ema negosiante besik 300 mak partisipa iha ne’ebá.

Nia haktuir, Partisipa iha Reuniaun ne’e Lamentasaun mak saida no sira balun ne’ebé mak la iha fasilidade hatete katak ami halo duni negosiu iha ne’ebá permanente, tanba ami hakarak halo negosiu ida ne’ebé movel maibé la iha fasilidade, entaun solusaun ne’ebé foti maka katak kooperativa mak atu fasilita fasilidade ba sira.

Nia tenik, Kooperativa sira la iha kapasidade, Sekretaria estadu husu kooperativa sira atu halo proposta ba SEKoop no depois hodi produs karosa ruma ba negosiante ambulante sira, oferese hahu ba sira ne’ebé membru kooperativa, tanba saida tenki liu husi kooperativa, tanba liu husi kooperativa oferese ba negosiante ambulante sira bele halo negosiu ne’ebé diak, maibé kooperativa bele akomapaiña sira maneza sira oinsa atu asegura sira nia sustentabilidade negosiu ninian.

Nia katak, Asegura sustentabilidade karosa ida ne’ebé sira hetan husi kooperativa no oinsa bele halo manutensaun no oinsa bele asegura poupansa iha familia atu asegura estabilidade finanseira ekonómiku no sosial iha vida familia nian, tanba ida ne’e karosa ne’e liu husi kooperativa

“Tuir mai atu hetan karosa ida ha’u halo vizita ba universidade sira iha Dili hahu husi IOB, DIT, UNPAZ ikus ba Don Bosku, tanba iha ne’ebá iha ema badaen ne’ebé mak produs atu bele produs bu’at ruma mai husi rai laran, tempu ida ne’ebá hanoin katak produsaun ida parte ida atu kontribui ba rekooperasaun ekonómiku nian, mais universidade sira ami vizita la konsege fó dezenu ba SEKoop, ikus Don Bonsu mak konsege aprezenta sira nia dezenu ho presu ne’ebé mak iha,” informa nia.

Entaun halo diskusaun ida ho sira aprezenta presu ne’ebé mak 1.500 ho material sierra ne’ebé mak kualidade, orsida bele ba konfirma ho irmaun Adriano, tanba saida mak nia presu to’o 1.500 ne’e, “Prosesu transferensia ba kooperativa no kooperativa selu direta no ami mós lakohi atu iha vida kooperativa iha bu’at ruma ne’ebé mak ladun di’ak, entaun ligasaun direta atu hatene ninia presu no ninia presu mak $1.500, hanoin katak sira aprezenta razaun ida ke viavel teb-tebes,” Subliña nia. (BT)