DÍLI----Ministru Koodenador Asuntus Ekonomia (MKAE) Joaquim Amaral, Hatete, Ohin tomada de posse ba Gervásio C. Da Silva, núdar Prezidente Centru Lojistiku Nasionál (CLN) ba periode mandatu Tinan-5, hahu tinan ne'e too Tinan 2025. Tanba ne’e husu ba Presiente Akutual CLN atu oinsa bele kontinua programa servisu saida mak Presidente Sesanta halo ona no tau matan ba programa sira husi Ajensia sira.

“Manteim Papel CLN iha hodi stook ai-han né'ebe iha mantein estadu hodi garanti folin sasan liu-liu foos ho asesivel atu ema hotu bele hola, asume mos papel seluk jere armajem sira atu saí fatin né'e tau sasan liu-liu aihan lokál bele mos sai instrumentu hodi bele halo jestaun,” Dehan Ministru Koodenador Asuntus Ekonomia (MKAE) Joaquim Amaral ba Jornalista sira iha Salaun IADE Bebora Kinta,(01/07)

Nia dehan, MCAE konfiansa ba nia hodi hamutuk ho ekipa ho MKAE hodi apoiu CLN tomak no centru treinamentu sira inklui Ajensia Autonomo husi MKAE nota hodi servisu hamutuk atu kontribui ba dezenvolvimentu nasional. Ho ida ne’e, husu mos atu oinsa tau atensaun nafatin ba armajem sira né'ebe apoiu husi JICA Asume Kna’ar belê simu intalasaun hodi trasnforma hodi CLN bele utiliza.

Iha sorin seluk, Presidente Sesante, Augosto Junior Trindade, Haktuir, Hanesan Presidente Sesante entrega hela mandatu ba Presidente Aktual hodi reponsavel no kontinuasaun ba atividade sira no programa sira ne’ebé mak ita hahu ona maibé seidauk ramata. Presiza Kontinuasaun ba Projetu sira hanesan apoiu husi JICA armajem sira, inklui Armajem ne’ebé mak apoiu husi iha Baucau no Natabora, ne’ebé maka dadaun ne’e seiduak ingura tanba pamdemia, Inklui Programa Sexta Bazika sira.

“Ha’u entrega ba ita boot kontinuasaun ho susesu, ita iha parseiru dezenvolvimentu lubuk ida mak ho JICA no Ita servisu hamutuk JICA ajuda maka’as hasae rendimentu uma kain, iha fulan ne’e enkontru dala ida ida, ita mós servisu hamutuk ho WFP apoiu ita iha tekniku transporte sira ajuda ita programa ba uma,” Esplika nia.

Entretantu, Atual Presidente Centro Lojistiku Nasionál (CLN) Gervásio C. Da Silva, Haktuir tan, mandate durante tinan lima ne’e sei preoridade liu ba produtu rai laran, tanba produtu rai laran prsiza hasa’e ninia kualidade liu. “Iha ha’u-nia mandatu preoridade ba pordutu rai laran, identifika Prodtutu rai laran ho lolos depois mak hare’e ho preoridade tanba ita-nia produtu ra laran kualidade liu duke husi Rai liur liu-liu hanesan Foos, no Produtu sira seluk,” Promete Gervásio C. Da Silva.

Nia informa, Iha mandatu ne’e ha’u mai kontinuasaun de’it presidente sesante iha ona no ajusta fali programa atu implementa programa ba oin, se ita la halo kontinuasaun entaun ita falla, maibé ha’u fiar katak ha’u mai atu kontinua de’it buat ne’ebé Presidente sesante halo ona, buat foun ha’u hanoin iha CLN instala tekniku liu ha’u hanoin servisu ba dadus, atu ita implementa programa karik bele pursentu en’ebé mak di’ak, Liu-liu ba aihan ita tenke identifika produtu lokál sira. (BT)