DÍLI----Koordenadór Gabineti Apoiu Sosiedade Sivil (GASSC) Filipe Da Costa, Hatete, relasiona ho Gabineti Apoiu Sosiedade Sivil (GASC) durante apoiu fundus uitoan ba Igreza bekora, dadaun Transfer ikus ona no haruka hotu ona orsamentu hamutuk Milions $.2 ba, hein atu hala’o inaugurasaun.

“Relasiona ba Projeitu konstrusaun sira, tinan ida ne’e Gabineti apoiu Sosiedade Sivi transferensia ikus, ba hirak ne’ebe mak transferensia kompletu ona mak Igreja Bekora, 100% husi Gabineti apoiu Sosiedade Sivil transfer ona, tanba sira nia kustu total ba kontrusaun ida ne’e nian hamutuk Milions $2,” Dehan Koordenadór Gabineti Apoiu Sosiedade Sivil (GASSC) Filipe Da Costa, hafoin remata enkontru Primeiru Ministru (PM) Taur ba Jornalista sira iha Resintu Ofisial, PM Farol, Sexta (02/07)

Koordenadór GASSC hatutan, Agora Igreja Aimutin ne’e sira nia kustu total hamutuk Milions $.3, husi Milions $,3 ne’e Gabineti apoiu Sosiedade Sivil transfere ona Milions $2.5, hela de’t $.450 Mil mak seidauk transfer, maibe ami sei prosesu hela, tanba sei presiza extende kontratu ne’ebe mak mate ona.
“Tanbá projeitu Igreja Aimutin ne’e hanesan ita hotu hatene, iha inisiu proposta ne’e fundus ne’ebe maka presiza hodi bele halo konstrusaun kompletu hamutuk Milions $.4.8, maibé iha tinan 2015 Konsellu Ministru deside hodi apoiu deit Milions $.3,” Esplika nia.

Alende ne’e mos kontrusaun ida iha eskola fatumeta, hein deit sertifikadu husi ADN, konaba ninia progresu, tanba iha ne’eba mos ami sei transfere tan prosaun balun husi sira nia orsamentu, atu nune’e sira bele kontinua sira nia aktividade. Tuir mai tan, Konstrusaun ida mak Pura Giri Nata Taibessi, ne’ebe maka dau-daun ne’e iha ona porsentu 90 husi fundu Gabineti Apoiu Sosiedade Sivil transfere ona, hela deit besik porsentu 15 mak sei transfer iha tinan ida ne’e nian laran, Gabineti Apoiu Sosiedade Sivil aloka orsamentu Milions $.7, maibe aloka Milions $.3.2 mak transfer ona ba iha orrganizasaun lubuk ida iha timor-leste, ne’ebe mak sira halo ona sira nia aktividade lubuk.

Nia dehan, Hanesan Fontil agora dau-daun realiza ho dialogu no Governu, tanba Fontil mos halo monitorizasaun ba implementasaun Covid-19 iha fatin-fatin ONG hanesan Yayasan-HAK, halo monitorizasaun ba priozaun sira, no halo treinamentu, liu-liu oinsa implementa regra Covid-19 iha fatin-fatin, sira halo ida ne’e.

“Tanba ami iha redi auditorium sosial ne’ebe maka halo nafatin monitorizasaun ba aktividade infraestrutura iha fatin seluk, no aktividade sira ne’ebe mak lao hodi dezenvolve ekonomia baze, hanesan iha area hortikultura no kooperativa. Gabineti apoiu sosiedade Sivil espera, ba fin tinan ida ne’e, bainhira ami halo ona elobora no rezultadu relatoriu husi implementa aktividade sira ne’e, oinsa setor sivil kontribui ba dezenvolvimentu estadu no Governu bele relata,” Relata nia.

Nia haktuir tan, Tuir rekomentasaun sira ne’ebe maka orgasanizasaun Sosiedade Sivil haruka mai iha Gabineti Primeiru Minsitru, liu-liu Fontil haruka mai, hato’o rekomendasaun lubuk ida, konaba prattika oinsa vasina diak liu tan. Hanesan kuali konaba asesu, oinsa mak bele diak liu tan ba ita nia populasaun, kualia konaba sujestaun sira husi Sosiedade Sivil atu oinsa bele mellora tan fahe informasaun ne’ebe maka diak.

“Priemiru Ministru adopta no komunika ba iha Ministériu relevante, no ita hare iha nia realidade komunidade sira ba asesu iha vasina numeru ne’ebe maka aumenta, ho ida ne’e iha mos kontribuisaun husi Sosiedade Sivil nia rekomensaun ne’ebe maka kada semana sempre haruka mai iha Gabineti Primeiru Minsitru,” Informa nia. (BT)