DÍLI----Prezidenti Ezekutivu Institutu Nasional Ciensia no Teknologia (INCT) Jose Cornelo Guterres, Informa, INCT ho Sentru Integradu Jestaun Krize (SIJK) halo diskusaum meza redonda ohin ne’e atu oinsa hare kona-ba aspeitu krize ekonomiku ne’ebé afeita husi pandemia global covid-19 durante tinan-2.

“Diskusaun meza redonda ohin ne’e diskusaun kona ba krize ekonomiku ne’ebé afeta husi covid-19 ne’ebé durante tinan2 nia laran ne’ebe kuaze iha setor ekonimiku informal nomos formal ne’ebé mak paralizadu afeta mos iha taxa dezempregu,” hatete Presidenti ezekutivu Institutu Nasional Siensia no Teknologia (INCT) Jose Cornelo Guteres, ba jornalista sira iha salaun tower Fatuhada Díli, Kuarta (30/06).

Nia hatutan, Krize ekonomiku iha tanba hetan afeitasaun husi Pandemia global Covid-19 depois iha infleunsia mos ba iha kapasidade kompras ne’e nomos produsaun rai lara tun tanba ema labele halo movimentasaun tun sae ba vida agrikultura nian, ida ne’e mak ha’u hanoin diskusaun ne’e atu matenek sira ne’e tau hanoin hamutuk oinsa solusiona.

“Hau hanoin kona ba estatistika ne’e sedauk los tanba diskusaun ne’e sei lao no ida ne’e tanba ita dalaruma ne’e hasoru ema ne’ebé lakon servsiu, entaun kerdizer ne’e problema ida tanba ne’e ita buka tuir took mais ou menus dadus kuantitativu numeru ne’e hira, dadus ema ne’e mais ou menus sofrementu ne’e hira tan ida ne’e mak ita sei rona diskusaun,” Dehan nia.

Nia informa, Rekomendasaun emprinsipiu bazeia ba ideia sira ne’ebé atu mosu maibe emprinsipiu ita rekomenda katak oinsa atu fo dalan ne’ebé diak hodi mitiga no atu hamenus sofrementu nee para labele hamosu tensaun sosial, tanba ema kuandu hamlaha no lao livre ba ba mai emosianalmente sira bele nervozu hirus bele mos hamosu tensaun.

“Tanba ida ne’e mak ha’u hanoin diskusaun sira ne’e atu rekomenda, maibe depende ba situasaun ne’ebé agora lao dadauk see numeru vasinasaun sae no se rezistensia moras ne’e sae, ha’u hanoin hetan fali varia foun ne’e ita la hatene los bele iha mudansa ka lae,” Tenik nia (BT)