DÍLI----Diretor Jeral Administrasaun Minsteriu Obras Publiku (MOP) Januario Patrisiu Barboja, Informa, Programa projeitu Estrada Rural ba Dezemvolvimentu (ERD) iha munisipiu lima governu sei fo fiar ba Kompañia hamutuk-22 ho Orsamentu Por Volta $8 millaun.

“Ohin ita hotu hamutuk iha ne’e fo informasaun ba Kompañia manan na’in sira ba programna projeitu iha Munisipiu lima hanesan Dili, Ainaru, Manatutu, Baukau no Vikeke hamutuk manan na’in kompañia-22 ho-nia orasamentu ne’ebe alokadu ba projetu Estrada Rural ba Dezenvolveimentu hamutuk por volta $8 millaun, lolos ne’e total hamutuk $13 millaun, maibé munisipiu hitu seidauk bele ba halo tenderizasaun tanba Situasaun Emerjensia ho Serka Sanitaria,” Hatete Direktor Jeral MOP Januario Patrisiu Barboja liu husi nia deskursu iha salaun Novu Turizmu-Dili, Kinta (10/06).

Nia hatutan, MOP fó parabens ba kontrator sira ne’ebé manan na’in ba projetu estrada rural ba dezenvolvimentu no kontrator sira ne’ebé partisipa ba tenderizasaun kuaze kompañia hamutuk 100 resin, maibé foti de’it 22 husi munisipiu lima ne’ebé prosesu tenderizasaun husi MOP no diresaun nasionál aprovisionamentu.

“Hau fó parabens ba diteror kontrator sira ne’ebé manan nain ba iha projetu Estrada Rural ba dezenvolvementu, segundu apresiasaun mós ba kontrator sira ne’ebé partispa ona no mai tuir tenderizasaun kuaze kompañia hamutuk 100 resin, maibé ita foti de’it kompañia 22 husi munisipiu lima ne’ebé prosesu tenderizasaun husi MOP no Diresaun Nasionál Aprovisionamentu,” hatutan nia.

Nia dehan, Oportunidade ida ne’e mós la haluha hato’o apresiasaun ba Governu Australia ne’ebé fó ona apoiu ba programa Estrada rural ba Dezenvolvimentu hodi ho asistensia tekniku apoiu Governu Timor-Leste liu husi organizasaun ILO fasilita ba projetu sira ne’e.

Nune’e, MOP hakarak atu hato’o de’it katak husi prosesu sira ne’e atu asegura tranparensia imparsialidade kompetetivu no integridade, nune’e diresaun jeral administrasaun finansas fó apoiu tomak ba programa hirak ne’e, apresiasaun mós ba Diresaun Nasionál Aprovisionamentu, maske funsionáriu limitadu ho situasaun emerjensia no serka sanitaria, maibé sei bele fó nia tempu ba to’o iha munisipiu lima loke tenderizasaun iha munisipiu sira hotu.

“Ba oin ami sei ba iha munisipiu atu bele loke mós tenderizasaun ba ita nia maluk kontrator sira ne’ebé hela iha munisipiu refere, hato’o apresiasaun ba adiministrasaun munisipiu sira ne’ebé fó ona apoiu maximu ba ami nia prosesu aprovizionamentu, sira mós partisipa liu husi direktor rejionál MOP nia iha munisipiu hamutuk ho ami nia tekniku sira no prosesu tendirazaun mosu,” relata nia.

Nia Informa, Ohin kontrator sira ne’e asina kapasitasaun hanesan simbolikamente hahu servisu maka’as no tenki tuir rekezitus sira ne’ebé tau ona, iha oportunidade ida ne’e mós husu kompañia sira halo favor uza oportunidade ida ne’e ho di’ak tuir planu sira ne’ebé iha no mós planu MOP nian hato’o ona ba Kompañia sira. (BT)